Bakıda satınalmalar üzrə aparıcı mütəxəssis vakansiyası elan olunur. Tender, qiymət sorğusu, təchizatçıların dəyərləndirilməsi və satınalma proseslərinin idarə edilməsi üzrə peşəkar namizəd tələb olunur.
Vəzifə öhdəlikləri
- Şirkətin satınalma qaydalarına əsasən tender, qiymət sorğusu, məlumat sorğusu, bir mənbədən satınalma və ya auksionun təşkili üçün lazım olan sənədlərin hazırlanmasında və razılaşdırılmasında iştirak etmək.
- Struktur bölmələrdən daxil olan tələblər, spesifikasiyalar, texniki sənədlər və digər məlumatlar əsasında təşkilatın məqsəd və maraqlarına uyğun satınalma metodunun müəyyən edilməsində iştirak etmək.
- Satınalmalar şöbəsinə daxil olan təsdiqlənmiş tələbnamə əsasında tələb olunan mallar, işlər və xidmətlər üzrə tədarükçüləri müəyyən etmək üçün müraciət etmək, onların meyarlar üzrə qiymətləndirilməsini təmin etmək və təchizatı təsdiqlənmiş müqaviləyə uyğun şəkildə onlara həvalə etmək.
- Malların, işlərin və xidmətlərin satın alınması məqsədilə şirkət daxili istifadəçilər və müvafiq struktur bölmələrlə sıx əməkdaşlıqda çalışmaq, satınalma proseslərini effektiv şəkildə icra edərək tələbnamələrin vaxtında yerinə yetirilməsinə dəstək vermək.
- Satınalma qaydalarına riayət etməklə sorğuları müvafiq tədarükçülərə göndərmək, təkliflərin vaxtında alınmasını təmin etmək, daxil olan təklifləri təhlil etmək, onların tələblərə uyğunluğunu yoxlamaq, son istifadəçi ilə birgə müqayisə aparmaq və uyğun tədarükçülərlə qiymət danışıqları aparmaq.
- Təkliflərin dəyərləndirilməsi hesabatını hazırlayaraq son qərarın bildirilməsi üçün təqdim etmək.
- Tender və ya qiymət sorğusunda iştirak edən tədarükçüləri iştirak fəallığına və təkliflərinin əlverişlilik dərəcəsinə görə qiymətləndirmək üçün müvafiq məlumatları aidiyyəti tərəflə bölüşmək.
- Ən uyğun təklifi təqdim edən tədarükçü ilə standart nümunə əsasında müqavilənin hazırlanması üçün tender və ya qiymət sorğusunun nəticəsində yaranan zəruri sənədləri aidiyyəti tərəfə təqdim etmək.
- Sifariş tapşırıqlarını tələblərə uyğun şəkildə hazırlamaq və təsdiqlənmiş sifariş tapşırıqlarını qarşı tərəfə icra üçün təqdim etmək.
- Təşkilatla əməkdaşlığa cəlb edildikdən sonra tədarükçülərin tamamlanmış işlərdə və layihələrdə fəaliyyətinin aidiyyəti üzrə dəyərləndirilməsini, müraciət daxil olduqda, vaxtında həyata keçirmək və nəticələri müraciət edən tərəfə təqdim etmək.
- Qiymət sorğuları və tenderlərə aid məlumatları Satınalmalar şöbəsinə aid ümumi giriş icazəsi olan elektron qovluqlarda sistemli şəkildə toplamaq və saxlamaq, proses tamamlandıqdan sonra məlumatları fiziki qovluqlarda da ardıcıl şəkildə yerləşdirərək aidiyyəti tərəfə təhlükəsiz saxlanılmaq üçün təhvil vermək.
- Şirkət daxili istifadəçilərə göstərilən satınalma xidmətinin yüksək səviyyədə saxlanılmasını təmin etmək və bunun üçün zəruri tədbirləri görmək.
- Müvafiq şöbələrin qərarverici şəxsləri ilə sıx əməkdaşlıq edərək satınalma tələbnamələri üçün hazırlanan spesifikasiyalarda qeyri-müəyyənliyin aradan qaldırılmasında iştirak etmək və təkliflər vermək.
- Rəhbərlik tərəfindən tapşırılan digər oxşar işləri yerinə yetirmək.
Tələblər
- Ali təhsil: müvafiq sahə üzrə ali təhsil. İqtisadiyyat və biznesin idarə olunması üzrə magistr dərəcəsi arzuolunandır.
- İş təcrübəsi: satınalmalar sahəsində minimum 3 il iş təcrübəsi.
- Dil bilikləri: Azərbaycan dili səlis, İngilis dili işgüzar səviyyədə, Rus dili arzuolunandır.
- Kompüter bacarıqları: MS Office, xüsusilə Excel proqramından yüksək səviyyədə istifadə bacarığı.
- Satınalmalar sahəsində peşəkar sertifikatın olması arzuolunandır.
- Komandada işləmək bacarığı.
- Güclü analitik düşüncə, peşəkar ünsiyyət və danışıqlar aparmaq bacarığı.
Vakansiya haqqında
Vakansiya növü: Tam ştat
Maraqlanan namizədlər Müraciət et düyməsində qeyd olunan link vasitəsilə müraciət edə bilərlər.
