Bakıda fəaliyyət göstərən “Bakinity Distribution” MMC, İT üzrə korporativ satış sahəsində baş mütəxəssis vəzifəsi üçün təcrübəli namizədlər axtarır. Bu vakansiya İT məhsul və xidmətlərinin satışı ilə bağlı geniş bilik və bacarığa malik mütəxəssislər üçün nəzərdə tutulub.
İş öhdəlikləri
- Şirkətin ümumi satış strategiyası çərçivəsində korporativ müştərilər üçün İT məhsul və xidmətlərinin satışını təmin etmək
- Satış prosesinin bütün mərhələlərini – ehtiyacların analizi, kommersiya təklifinin hazırlanması, təqdimat, danışıqlar və müqavilənin bağlanması – peşəkar şəkildə idarə etmək
- Müştərilərlə uzunmüddətli işgüzar əlaqələr qurmaq və mövcud tərəfdaşlıqları inkişaf etdirmək
- İT avadanlıqları üzrə texniki və kommersiya təkliflərinin hazırlanmasında iştirak etmək
- Müştəri tələblərinə uyğun məhsul və xidmət təqdimatlarının hazırlanması və təqdim edilməsi
- Müştəri məmnuniyyətini artırmaq məqsədilə daxili əməliyyat proseslərinin təkmilləşdirilməsi
- Müəyyən edilmiş gəlir planlarına və satış hədəflərinə nail olmaq
- Satış göstəricilərinin təhlili, bazar və rəqib araşdırmalarının aparılması, satış strategiyasının inkişafı üçün təkliflərin hazırlanması
- Satış əməliyyatlarının effektivliyini artırmaq üçün daxili proseslərin optimallaşdırılması və CRM sistemində məlumatların düzgünlüyünə nəzarət etmək
- Həftəlik və aylıq satış hesabatlarının hazırlanaraq rəhbərliyə təqdim edilməsi
- Rəhbərlik, aidiyyəti struktur bölmələr və müştərilər arasında görüş və konfransların təşkili, protokolların və yekun sənədlərin hazırlanması
Namizədə tələblər
- Ali təhsil
- İT satışı sahəsində ən azı 3 illik iş təcrübəsi
- Microsoft Office proqramlarından (Word, Excel, PowerPoint, Outlook) sərbəst istifadə bacarığı
- Azərbaycan və rus dillərində sərbəst danışıq, yazı və oxu bacarığı, ingilis dili bilikləri üstünlük hesab olunur
- 1C və CRM sistemlərində iş təcrübəsi
- Komanda daxilində səmərəli işləmək, işgüzar yazışma və danışıqlar aparmaq bacarığı
- Analitik təfəkkür, güclü ünsiyyət və təqdimat bacarıqları
Namizəd bilməlidir
- Dövlət qurumları və digər təşkilatlarla korporativ satış istiqamətində əməkdaşlıq və tərəfdaşlıq əlaqələrinin qurulması prinsipləri
- Korporativ yazışma qaydaları, işgüzar ünsiyyət etikası və peşəkar davranış normaları
- Məxfi və kommersiya xarakterli məlumatların qorunması ilə bağlı siyasət və prinsiplər
- İşgüzar görüş, danışıq və tədbirlərin protokollaşdırılması qaydaları
- Tədbirlər zamanı sənəd və materialların iştirakçılara vaxtında çatdırılması qaydaları
- Görüş və danışıqların təşkili üçün zəruri inzibati və texniki tədbirlərin planlaşdırılması
- Dövlət orqanları və üçüncü tərəf qurumlarında şirkətin təmsil olunması prinsipləri
- Biznes sənədlərinin hazırlanması, qeydiyyatı və arxivləşdirilməsi qaydaları
- Rəhbərlik tərəfindən verilən tapşırıqların icrasına nəzarət mexanizmləri
- CRM sistemləri və verilənlər bazaları ilə işləmə bacarıqları
Əlavə məlumat
- İş qrafiki: Həftədə 5 gün, saat 09:00-dan 18:00-dək
- İstirahət günləri: Şənbə və bazar (Azərbaycan Respublikası Əmək Məcəlləsinə əsasən bayram və qeyri-iş günləri də nəzərə alınır)
- Məşğulluq növü: Tam ştat
- İş yeri: “Bakinity Distribution” MMC
- Əməkhaqqı: Namizədin bilik və təcrübəsinə uyğun müəyyən edilir
Təminatlar
- Korporativ mobil telefon nömrəsi və danışıq paketi ilə təmin olunma
- Push 30 platformasından istifadə imkanı
- AmCham üzvlüyü çərçivəsində təlim və inkişaf proqramlarına qatılma imkanı
- “Paşa Həyat” Sığorta şirkətinin “Həyatın Yaşam Sığortası” proqramına qoşulma imkanı
- İT sahəsində peşəkar inkişaf və karyera yüksəlişi perspektivləri
Vakansiya ilə maraqlanan namizədlər “Müraciət et” düyməsi vasitəsilə müraciətlərini göndərə bilərlər.
