Satış üzrə Baş Mütəxəssis

Assan Panel — Sumqayıtda fəaliyyət göstərən, sendviç panel, PIR və daş yunu dolğulu panel, poliuretan dolğulu panel, soyuducu anbar sistemləri istehsal edən şirkətdir. Şirkət dayanıqlı və ekoloji binalara yönəlik məhsulları ilə inşaat sektorunda mövqeyini möhkəmləndirməkdədir. Hal-hazırda yerli və xarici bazarlarda satış fəaliyyətini idarə edəcək Satış üzrə Baş Mütəxəssis axtarılır.

İş Şəraiti

• İş yeri: Sumqayıt, Azərbaycan
• İş qrafiki: Həftənin 5 günü, saat 08:00–17:00
• İstirahət: Şənbə, bazar və qanunvericiliklə müəyyənləşdirilmiş bayram günləri

Vəzifə Öhdəlikləri

• Şirkət məhsullarının satışını artırmaq məqsədilə yerli və xarici bazarların təhlilini aparmaq, bazar tələbatını, rəqibləri və inkişaf imkanlarını müəyyənləşdirmək
• Satış strategiyalarının formalaşdırılmasında fəal iştirak etmək; aylıq, rüblük və illik satış planlarının icrasını təmin etmək
• Yeni müştərilərin cəlb edilməsi, mövcud müştəri portfelinin genişləndirilməsi və uzunmüddətli tərəfdaşlıq münasibətlərinin qurulması
• Daxil olan sifarişlər üzrə istehsalat və logistika bölmələri ilə koordinasiyanı həyata keçirmək, sifarişlərin vaxtında yerinə yetirilməsinə nəzarət etmək
• Yerli və xarici müştərilər, distribyutorlar və tərəfdaşlarla danışıqlar aparmaq, kommersiya təklifləri hazırlamaq, müqavilə bağlanması prosesində iştirak etmək
• Rəqib fəaliyyətini, bazar trendlərini və sektordakı yenilikləri izləmək, təhlil etmək və rəhbərliyə hesabat vermək
• İxrac əməliyyatlarına aid sənədləşmə işlərini aparmaq, məhsulların xarici bazarlarda satış prosesini koordinasiya etmək
• Müştəri məmnuniyyətini mütəmadi qiymətləndirmək, bazardan daxil olan rəyləri ümumiləşdirmək və rəhbərliyə müvafiq təkliflər təqdim etmək
• Şirkətin məhsullarını tanıtmaq üçün sərgi, biznes görüş və təqdimatlarda iştirak etmək
• Satış göstəricilərini təhlil etmək, dövri hesabatlar hazırlamaq və nəticələri rəhbərliyə çatdırmaq
• Satış prosesi boyunca şirkətin kommersiya maraqlarını qorumaq və korporativ standartlara riayət etmək
• Sürücülük vəsiqəsinin olması və lazım gəldikdə respublika hüdudlarından kənara çıxmaq imkanının mövcudluğu

Namizədə Olan Tələblər

• Ali təhsil
• İngilis və Rus dillərini rəsmi yazışmalar və işgüzar danışıqlar aparmaq üçün yaxşı səviyyədə bilmək
• MS Office proqramları (Word, Excel, PowerPoint, Outlook) üzrə yaxşı səviyyədə biliklər
• Güclü ünsiyyət qabiliyyəti və insanlarla iş bacarığı
• Analitik düşüncə və qərar qəbulunda dəqiqlik
• Konflikt idarəetməsi və problem həll etmə bacarığı
• Liderlik, komanda idarəetməsi və təşkilatçılıq qabiliyyəti
• Məsuliyyətlilik, məxfiliyə riayət və nəticəyönümlülük
• Əmək qanunvericiliyi sahəsində biliklərin olması
• Stress altında işləmə və dəyişən şəraitə uyğunlaşma bacarığı

Şəxsi Keyfiyyətlər

• Müştəri yönümlü düşüncə tərzi və xidmət keyfiyyətinə diqqət
• Satış hədəflərinə fokuslanma və nəticəyə istiqamətlənmə
• Komandada effektiv işləmə bacarığı
• Təşəbbüskarlıq və peşəkar inkişafa meyl
• Disiplinli, dəqiq və məsuliyyətli yanaşma

Şirkətin Təklif Etdikləri

• Şirkət tərəfindən servis xidməti ilə təmin olunma
• Şirkət hesabına gündəlik nahar
• Korporativ mobil nömrə və danışıq paketi
• Geniş əhatəli illik tibbi sığorta
• Dinamik inkişaf edən böyük bir şirkətdə karyera imkanı
• Əmək haqqı namizədin bilik, bacarıq və təcrübəsi nəzərə alınaraq müsahibə nəticəsində razılaşma yolu ilə müəyyən edilir

Müraciət Qaydası

Tələblərə uyğun hesab edirsinizsə, Satış üzrə Baş Mütəxəssis vəzifəsinin adını mövzu sətrinə yazaraq CV-nizi elanda göstərilən elektron poçt ünvanına göndərin.