Eden Agro MMC satış üzrə kiçik mütəxəssis axtarır.
İş şəraiti
- İşəgötürən: Eden Agro MMC
- Struktur: Kommersiya, Satış və Marketinq departamenti
- Birbaşa rəhbər: Kommersiya, Satış və Marketinq departamentinin rəhbəri
- İş yeri: Bakı şəhəri, Park View Biznes Mərkəzi
- İş qrafiki: 5 günlük iş həftəsi, 09:00-18:00
Eden Agro MMC, Azərşəkər MMC-nin törəmə şirkəti kimi müasir aqrotexniki yanaşmalar və yüksək məhsuldarlıq standartları əsasında bitkiçilik və istehsal proseslərini həyata keçirir.
Azərşəkər MMC ölkənin aparıcı aqrar-sənaye qruplarından biri olaraq kənd təsərrüfatı, emal və istehsal sahələrində fəaliyyət göstərir.
Vəzifə öhdəlikləri
- Satış strategiyasının hazırlanmasına dəstək vermək və rəhbərə təkliflər təqdim etmək;
- Müştərilərə müəssisənin istehsal etdiyi məhsullar, onların keyfiyyəti və xüsusiyyətləri barədə məlumat vermək;
- Daxil olan sifarişləri izləmək və məhsullar təhvil verilənədək müştərilərlə mütəmadi əlaqə saxlamaq;
- Təchizat müddətlərinin icrasına nəzarət etmək, gecikmə olduqda birbaşa rəhbəri məlumatlandırmaq;
- Müştəri, bazar və rəqiblərlə bağlı məlumatları hesabat şəklində rəhbərliyə çatdırmaq;
- Potensial müştərilər barədə məlumat toplamaq və rəhbərliyə təqdim etmək;
- Davamlı şəkildə yeni müştərilər axtarmaq və cəlb etmək;
- Zavodun əsas məhsullarının qlükoza, fruktoza, nişasta, eləcə də yan məhsulların kəpək, özək, qarğıdalı qırıntısı, qlüten satışını həyata keçirmək;
- Müştəri münasibətlərini korporativ standartlara və biznes etikasına uyğun qurmaq;
- Müştəri cəlbi üçün görüşlər təşkil etmək və təkliflər hazırlamaq;
- Satışla bağlı tələb və təklifləri hesabat formasında təqdim etmək;
- Bazardakı rəqibləri mütəmadi araşdırmaq;
- İşgüzar tədbirlərdə şirkəti təmsil etmək;
- Müştəri məmnunluğunu müəyyən etmək, analiz aparmaq və çatışmazlıqlar üzrə Kommersiya və Satış şöbəsinin müdirinə təklif vermək;
- Müştəri borclarına daimi nəzarət etmək və onların əvvəlcədən təyin olunmuş müddətdə yığılmasını təmin etmək.
Vəzifə tələbləri
- Ali təhsil: Logistika, İqtisadiyyat, Biznesin idarə olunması, Marketinq və ya əlaqəli sahə;
- Satış və ya logistika sahəsində minimum 1-2 il iş təcrübəsi;
- Təchizat zəncirinin idarə olunması üzrə praktiki bilik;
- Anbar uçotu və inventar nəzarəti barədə bilik;
- Müqavilələrin hazırlanması və icrası, qiymət formalaşdırma prinsiplərini bilməsi;
- Sıx deadline-lar şəraitində tapşırıqları vaxtında və keyfiyyətli yerinə yetirmək bacarığı;
- Sərbəst araşdırma aparmaq, komandada işləmək, məsuliyyətlilik, məxfilik, dəqiqlik və proaktivlik;
- Azərbaycan və rus dillərini səlis, ingilis dilini yaxşı bilməsi;
- 1C / ERP və MS Office, xüsusilə Excel proqramlarını sərbəst istifadə etməsi.
Biz təklif edirik
- Rəqabətli əməkhaqqı və performansa əsaslanan bonus sistemi;
- Peşəkar və liderlik inkişaf proqramları;
- Beynəlxalq və yerli təlimlərdə iştirak imkanı;
- Karyera yüksəlişi və qrup daxilində rotasiya imkanları;
- Böyük miqyaslı aqrar-sənaye layihələrində iştirak imkanı;
- Dinamik və strateji idarəetmə mühitində çalışma fürsəti;
- Qrupdaxili xüsusi güzəştlərdən istifadə imkanı.
Qeyd olunan tələblərə uyğun namizədlərdən xahiş olunur ki, öz CV-lərini mövzu hissəsində “Satış üzrə kiçik mütəxəssis” qeyd etməklə Müraciət et düyməsində göstərilən elektron ünvanına göndərsinlər.
