Bakıda satış və marketinq üzrə mütəxəssis axtarılır. Tibbi avadanlıqlar, ləvazimatlar, laboratoriya məhsulları və sərf materiallarının satışı ilə maraqlanan namizədlər müraciət edə bilər.
İşəgötürən
PulsMed MMC
İş şəraiti
- İş yeri: Bakı, Yasamal rayonu
- İş rejimi: 5 günlük qrafik, 09:00–18:00
- Əmək haqqı: Müsahibə zamanı, namizədin bilik və bacarıqlarına əsasən müəyyən edilir
Vəzifə öhdəlikləri
- Şirkətin məhsul və xidmətləri barədə məlumatlanmaq və bu bilikləri satış prosesində tətbiq etmək;
- Mövcud və potensial müştərilərlə ünsiyyətdə olmaq, onların ehtiyaclarını müəyyənləşdirməyə çalışmaq;
- Komanda rəhbərinin nəzarəti altında məhsul təqdimatlarında iştirak etmək və ilkin məlumat vermək;
- Satış prosesinə aid sənədlərin hazırlanmasını və sistemə daxil edilməsini həyata keçirmək;
- Bazarla bağlı ilkin məlumatları toplamaq və rəhbərliyə təqdim etmək;
- Müştərilərdən daxil olan sualları, şikayətləri və sorğuları qeyd etmək, rəhbərliklə razılaşdıraraq cavablandırmaq;
- Komanda ilə birlikdə marketinq aksiyaları, təqdimatlar və sərgilərdə iştirak etmək;
- Rəhbərlik tərəfindən verilən digər tapşırıqları vaxtında və məsuliyyətlə yerinə yetirmək;
- Gördüyü işlər barədə rəhbərliyə mütəmadi hesabat vermək;
- İş keyfiyyətini artırmaq üçün keçirilən təlimlərdə iştirak etmək və özünü inkişaf etdirmək.
Tələb olunan bilik və bacarıqlar
- Ali təhsil: tibb, biologiya, əczaçılıq, kimya, biotexnologiya və ya əlaqəli sahələr üzrə bakalavr dərəcəsi, yeni məzunlara üstünlük verilə bilər;
- Satış və marketinq sahəsinə maraq, bu istiqamətdə işləmək istəyi və öyrənməyə həvəs;
- Güclü ünsiyyət bacarığı, fikrini aydın ifadə etmək və komandada işləmək qabiliyyəti;
- Məhsulları öyrənməyə və təqdim etməyə hazır olmaq, təlimlər vasitəsilə tibbi avadanlıqlar barədə bilik qazanmaq;
- Təşəbbüskarlıq və məsuliyyət hissi, tapşırıqları vaxtında və düzgün yerinə yetirmək bacarığı;
- Microsoft Office proqramları ilə işləmə bacarığı: Word, Excel, PowerPoint;
- Dil bilikləri: Azərbaycan dili sərbəst, İngilis və Rus dili bilikləri;
- Təlim və inkişaf yönümlü yanaşma, şirkət daxili təlimlərdə aktiv iştirak etmək.
Müraciət qaydası
Yuxarıda göstərilən tələblərə uyğun namizədlər şəkilli CV-lərini Müraciət et düyməsində qeyd olunan elektron poçt ünvanına göndərməlidirlər. Məktubun mövzu hissəsində “Satış və marketinq üzrə namizəd” yazılması xahiş olunur.
Qeyd: Mövzu hissəsi düzgün qeyd olunmayan müraciətlərə baxılmayacaq.
