Şirkətimizin internet mağazasının gündəlik əməliyyat fəaliyyətlərini təmin etmək üçün Sayt Operatoru axtarılır. Bu vəzifədə məhsul məlumatlarının sayta vaxtında və düzgün əlavə edilməsi, qiymət və stok məlumatlarının mütəmadi yenilənməsi, həmçinin onlayn sifarişlərin idarəedilməsi prosesində aktiv iştirak nəzərdə tutulur.
Vəzifə Öhdəlikləri
- Azərbaycan, rus və ingilis dillərində mətnlərin yazılması və sayta yerləşdirilməsi;
- Sayt üçün mətn və vizual kontentin hazırlanması və redaktəsi;
- Mövcud kontentin aktuallığının izlənilməsi, köhnəlmiş məlumatların yenilənməsi;
- Süni intellekt (AI) alətləri və SEO bilikləri üstünlük kimi qiymətləndirilir.
Namizədə Tələblər
- Azərbaycan, rus və ingilis dillərində sərbəst mətn yazma bacarığı;
- Mətn və vizual materialların hazırlanması və redaktəsi sahəsində praktiki bacarıq;
- Canva və ya Photoshop kimi qrafik proqramlar ilə iş təcrübəsi;
- Microsoft Office proqramları üzrə biliklər;
- AI alətlərindən istifadə bacarığı;
- Məqsədyönlü iş tərzi və yeni bilik əldə etməyə hazırlıq.
Şirkətin Təqdim Etdikləri
- Əmək bazarı meyarlarına uyğun rəqabətli əmək haqqı və motivasiya sistemi;
- Korporativ mobil nömrə və danışıq limiti;
- Şirkətdaxili təlim və inkişaf proqramlarına qatılım imkanı;
- Peşəkar karyera inkişafını dəstəkləyən iş mühiti.
Müraciət Qaydası
Maraqlanan namizədlər CV-lərini e-məktubun mövzu hissəsində «Sayt Operatoru» qeyd etməklə Müraciət et düyməsində göstərilən elektron poçt ünvanına göndərə bilərlər.
