Gəncə şəhərində avtobusların texniki xidməti və təmiri ilə məşğul olan müəssisə üçün Servis Koordinatoru Təcrübə Proqramı elan olunur. Proqram, konsaltinq şirkətinin “Karyera İnkişafı Layihəsi” çərçivəsində həyata keçirilir və nəzəri biliklərini real iş mühitində tətbiq etmək istəyən mühəndislik ixtisası üzrə gənc mütəxəssislərə yönəldilib.
Kimlər müraciət edə bilər?
2024, 2025 və 2026-cı illərdə aşağıdakı ixtisaslardan biri üzrə ali təhsil almış və ya son kursda oxuyan namizədlər proqrama qəbul üçün müraciət edə bilərlər:
- Mexanika mühəndisliyi
- Maşınqayırma mühəndisliyi
- Mexatronika mühəndisliyi
- Nəqliyyat mühəndisliyi
- Avtomobil nəqliyyatı mühəndisliyi
- Sənaye mühəndisliyi
Xüsusilə aşağıdakı ali təhsil müəssisələrinin tələbə və məzunları müraciət etməyə dəvət olunur:
- Azərbaycan Texnologiya Universiteti
- Gəncə Dövlət Universiteti
- Azərbaycan Dövlət Aqrar Universiteti
Seçim prosesi necə keçəcək?
Proqrama qəbul müsabiqə əsasında aparılır və iki mərhələdən ibarətdir.
- I mərhələ — İlkin qiymətləndirmə: Namizədlərin akademik göstəriciləri, universitetə qəbul nəticələri və təhsil irəliləyişi nəzərdən keçirilir. Yüksək akademik nəticəyə malik namizədlər birbaşa test mərhələsinə dəvət oluna bilər.
- II mərhələ — Test imtahanı: Test aşağıdakı istiqamətləri əhatə edir: məntiqi və analitik düşünmə, problem həll etmə, riyazi düşünmə, texniki biliklər və texniki qavrama, diqqət və operativ qərar vermə. Yalnız test mərhələsində kifayət qədər yüksək nəticə göstərən namizədlər proqrama qəbul ediləcək.
Təcrübə dövründə hansı sahələr üzrə çalışacaqsınız?
- Servis proseslərinin planlaşdırılması və koordinasiyası
- Təmir sifarişlərinin idarə edilməsi
- Texniki sənədlərlə iş
- Ehtiyat hissələrinin hərəkətinə nəzarət
- Hesabatların hazırlanması
- Müasir texniki xidmət proseslərinin təşkili
Proqram iştirakçılarına nə təklif olunur?
- Peşəkar mentorların rəhbərliyi altında praktiki öyrənmə
- Real istehsalat və servis mühitində iş təcrübəsi
- Texniki idarəetmə sahəsində peşəkar bacarıqların inkişafı
- Proqramu uğurla tamamlayan iştirakçılar üçün müəssisədə daimi işə qəbul imkanı
- Uzunmüddətli karyera inkişafı perspektivi
Vakansiya aktiv deyil, son elanlara aşağıdan keçid edin
