Sistem və şəbəkə administratoru

Sinteks Şirkətlər Qrupu Bakıda fəaliyyət göstərən baş ofis, mağazalar və filiallar üzrə IT infrastrukturunun idarə edilməsi üçün Sistem və Şəbəkə Administratoru axtarır. Bu vəzifə şirkətin şəbəkə, server və informasiya təhlükəsizliyi mühitinin fasiləsiz işlənməsini təmin etməyi, texniki riskləri vaxtında müəyyənləşdirməyi və IT xidmətlərinin daxili qaydalara uyğun göstərilməsinə nəzarəti əhatə edir. Namizədlərdən xahiş olunur ki, aşağıdakı tələbləri diqqətlə oxusunlar və CV-lərində müvafiq bilik və təcrübələrini əks etdirsinlər.

Vəzifə öhdəlikləri

Sistem və server infrastrukturunun idarə edilməsi

• Korporativ şəbəkə və server infrastrukturunun sabit işini təşkil edir və idarə edir.
• Server və şəbəkə avadanlıqlarının monitorinqini aparır, dövri baxışını və yenilənməsini təmin edir.
• Performansın artırılması üçün şəbəkə və sistemləri izləyir, zəruri dəyişiklikləri müəyyənləşdirib rəhbərinə təqdim edir.

Şəbəkə bağlantıları, internet və IP telefoniya

• Mağaza, ofis və serverlərdə internet kanalının sabit işini təşkil edir və idarə edir.
• Baş ofis ilə filiallar arasında şəbəkə bağlantılarının işlək vəziyyətdə saxlanılmasını təmin edir.
• IP telefon sisteminin inzibatçılığını həyata keçirir.
• Şəbəkə servisləri üzrə nasazlıqları araşdırır və aradan qaldırmaq üçün texniki tədbirlər görür.

E-poçt, ehtiyat nüsxə və informasiya təhlükəsizliyi

• Korporativ elektron poçt sisteminin fasiləsiz işini təmin edir və idarə edir.
• Ehtiyat nüsxələrin çıxarılmasını və lazım olduqda bərpa proseslərini idarə edir.
• Korporativ antivirus, antispam və digər təhlükəsizlik sistemlərinin monitorinqini həyata keçirir.
• Korporativ şəbəkənin, serverlərin və son istifadəçi mühitinin kiberhücumlara qarşı dayanıqlılığının təmin edilməsinə dəstək verir.
• Aşkar edilən informasiya təhlükəsizliyi riskləri, texniki zəifliklər və insident ehtimalları barədə IT Menecerini vaxtında məlumatlandırır.

Lisenziyalar, sertifikatlar və texniki xidmətlərin izlənilməsi

• Lisenziya, sertifikat və ödənişli proqram təminatı ilə xidmətlərin mövcudluğunu və yenilənmə müddətlərini izləyir.
• Zərurət yarandıqda texniki dəstək personalına köməklik göstərir.

SLA, texniki sorğular və hesabatlılıq

• Sorğuların SLA tələblərinə uyğun icrasına nəzarət edir, gecikmə və problem hallarında operativ tədbirlər görür.
• Texniki problemlər, risklər və açıq məsələlər barədə rəhbərliyi vaxtında məlumatlandırır, xidmət keyfiyyətinin yaxşılaşdırılmasına dair təkliflər hazırlayır.
• IT Menecer tərəfindən verilən tapşırıqları yerinə yetirir, müvafiq hesabatları hazırlayaraq təqdim edir.
• Görülmüş işlər və açıq texniki məsələlər üzrə məlumatların qeydiyyatını və izlənməsini aparır.

Daxili qaydalara uyğunluq

• Şirkətin IT siyasət, prosedur və qaydalarına uyğun xidmət göstərir.
• İnfrastruktur dəyişikliklərini müəyyən edilmiş təsdiq prosedurlarına uyğun həyata keçirir.

Məsuliyyət sahələri

• Sistem və şəbəkə inzibatçılığı
• Server və şəbəkə avadanlıqlarının monitorinqi və idarə olunması
• Korporativ e-poçt, backup və bərpa prosesləri
• İnformasiya təhlükəsizliyi
• IP telefoniya və filial şəbəkə bağlantılarının texniki dəstəyi
• SLA və xidmət keyfiyyətinə nəzarət

Tələblər

Peşəkar biliklər

• Server əməliyyat sistemləri, domen xidmətləri və korporativ server servisləri üzrə praktiki biliklər. (CV-də Windows/Linux server inzibatçılığı, Active Directory/domen mühitinin idarəsi, korporativ e-poçt, DNS, RDS, SQL/database və ya oxşar server servisləri üzrə təcrübə əks olunarsa, bu tələb qarşılanmış sayılır.)
• Virtualizasiya və storage infrastrukturu üzrə praktiki biliklər. (CV-də VMware ESX/ESXi/vCenter və ya oxşar platformalar, SAN/NAS/DAS, iSCSI/FC və storage sistemlərinin idarəsi üzrə təcrübə göstərildikdə bu tələb qarşılanmış sayılır.)
• Şəbəkə servisləri, routing/switching, VPN, VLAN və LAN/WAN infrastrukturu üzrə praktiki biliklər. (CV-də TCP/IP, DHCP/DNS, VLAN, VPN, firewall, Radius, load balancing və ya oxşar xidmətlər üzrə təcrübə göstərildikdə bu tələb qarşılanmış sayılır.)
• Router, firewall, switch və wireless avadanlıqlarının konfiqurasiyası və idarəsi üzrə praktiki təcrübə. (CV-də Cisco, HPE, Fortigate, Mikrotik, Aruba, Ubiquiti və ya oxşar avadanlıqlarla iş göstərildikdə bu tələb qarşılanmış sayılır.)
• Backup və recovery sistemləri üzrə praktiki bilik. (CV-də Veeam, Acronis, Symantec, Norton və ya oxşar sistemlər üzrə ehtiyat nüsxə və bərpa prosesi təcrübəsi göstərildikdə bu tələb qarşılanmış sayılır.)
• Korporativ antivirus, antispam və informasiya təhlükəsizliyi monitorinqi üzrə baza biliklər. (CV-də endpoint security, antivirus/antispam sistemlərinin idarəsi və ya texniki risklərin izlənilməsi üzrə təcrübə göstərildikdə bu tələb qarşılanmış sayılır.)
• IP telefoniya və IP-PBX sistemləri ilə iş təcrübəsi — arzuolunan.
• SLA, monitorinq, insident qeydiyyatı, ticketing sistemi və texniki xidmət idarəetməsi üzrə təcrübə — arzuolunan.
• MCSA, MCSE, CCNA, CCNP, VCP, CompTIA+ və ya oxşar peşəkar sertifikatlar — arzuolunan.
• İngilis dili: A2 və ya daha yüksək səviyyə — arzuolunan.

Təhsil

• İT, kompüter elmləri, şəbəkə, kibertəhlükəsizlik, telekommunikasiya və ya əlaqəli texniki sahə üzrə ali təhsil.

İş təcrübəsi

• Sistem, şəbəkə və ya IT infrastrukturunun inzibatçılığı sahəsində minimum 3 il iş təcrübəsi.

Peşəkar bacarıq və kompetensiyalar

• Analitik və alqoritmik düşüncə tərzi
• Məsuliyyətlilik
• Ünsiyyət bacarıqları
• Vaxt idarəetməsi
• Operativ qərar vermə və problem həll etmə qabiliyyəti
• Prioritetləşdirmə və kritik məsələləri düzgün eskalasiya etmə bacarığı
• Məxfilik və informasiya təhlükəsizliyi prinsiplərinə riayət