Smeta və tender üzrə mütəxəssis / mühəndis

Bakı üzrə smeta və tender üzrə mütəxəssis / mühəndis vakansiyası açıqdır. Tikinti layihələrinin təhlili, BOQ üzrə hesablamalar və tender sənədlərinin hazırlanması üzrə təcrübəli namizəd axtarılır.

Vəzifənin məqsədi

Şirkətə daxil olan tikinti, təmir, fit-out və digər layihə sorğularını həm texniki, həm də kommersiya tərəfdən təhlil etmək, layihənin real maya dəyərini müəyyənləşdirmək, material, əmək, mexanizm, subpodrat, logistika, sahə və digər xərcləri hesablamaq, risk və əlavə xərcləri nəzərə almaqla şirkətin müəyyən etdiyi profit və margin göstəricilərini tətbiq etmək, yekun kommersiya təklifini isə şirkətin vahid smeta formatında hazırlamaq.

Əsas vəzifə və öhdəliklər

• Şirkətə daxil olan yeni layihə, tender və kommersiya sorğularını araşdırmaq;
• Layihə sənədlərini, BOQ-u, texniki tapşırığı, çertyojları və spesifikasiyaları analiz etmək;
• İş həcmlərinin düzgün müəyyən edilməsini və BOQ ilə uyğunluğunu yoxlamaq;
• Hər iş növü üzrə real maya dəyərini, yəni Cost Price-i hesablamaq;
• Material, əməkhaqqı, mexanizm və avadanlıq, subpodrat, logistika və digər birbaşa xərcləri hesablamak;
• Təchizat və bazar araşdırması bölməsindən aktual material və xidmət qiymətlərini toplamaq;
• Təchizatçılardan alınan kommersiya təkliflərini təhlil etmək və onların layihə büdcəsinə təsirini qiymətləndirmək;
• Əmək xərclərini iş həcmi, əmək norması, işçi sayı və icra müddəti əsasında hesablamaq;
• Mexanizm, texnika və avadanlıqlar üzrə tələb olunan xərcləri müəyyənləşdirmək;
• Subpodrat işləri üzrə qiymətləri toplamaq, müqayisə etmək və təhlil etmək;
• Layihənin dolayı xərclərini, o cümlədən sahə xərcləri, mobilizasiya, demobilizasiya, nəqliyyat, idarəetmə və digər əlaqəli xərcləri nəzərə almaq;
• Overhead və inzibati xərclərin hesablanmasına daxil ediləcək göstəriciləri müəyyənləşdirmək;
• Layihənin xüsusiyyətlərindən irəli gələn kommersiya və icra risklərini müəyyən etmək;
• Contingency, yəni risk ehtiyatını hesablamaq və smetaya əlavə etmək;
• Layihənin Total Cost, yəni ümumi maya dəyərini formalaşdırmaq;
• Şirkətin müəyyən etdiyi Markup, Profit və Margin prinsiplərinə uyğun yekun satış qiymətini hesablamaq;
• Tender və kommersiya təkliflərini hazırlamaq;
• Hazırlanmış smetaların texniki, kommersiya və riyazi baxımdan düzgünlüyünü yoxlamaq;
• Smeta hesablamalarında istifadə olunan ilkin məlumatların və qiymət mənbələrinin əsaslandırılmasını təmin etmək;
• Layihə üzrə alternativ texniki və kommersiya həllərinin qiymətə təsirini hesablamaq;
• Tender sənədlərində aşkar olunan uyğunsuzluq, çatışmazlıq və riskləri müəyyən etmək;
• Zəruri hallarda tender sorğuları üzrə RFI və clarification suallarının hazırlanmasında iştirak etmək;
• Bütün layihələr üzrə vahid qiymət və smeta bazasının formalaşdırılmasını və yenilənməsini təmin etmək;
• Əvvəlki layihələrdən əldə olunan faktiki qiymət və xərcləri gələcək tenderlər üçün qiymət bazasına daxil etmək;
• Hazırlanmış smetaları və kommersiya təkliflərini müəyyən edilmiş müddətdə təqdim etmək.

Namizədə əsas tələblər

• İnşaat mühəndisliyi, iqtisadiyyat, maliyyə və ya uyğun texniki sahə üzrə ali təhsil;
• Tikinti sektorunda Smeta, Tender, Cost Estimation və ya Cost Control sahəsində minimum 3-5 il iş təcrübəsi;
• Tikinti işlərinin texnologiyası və icra ardıcıllığı barədə yaxşı bilik;
• Tikinti layihələrinin smetalarının hazırlanması üzrə praktiki təcrübə;
• BOQ və texniki spesifikasiyalarla işləmək bacarığı;
• Layihə və çertyojları oxuma bacarığı;
• Çertyoj və texniki sənədlər əsasında iş həcmlərini müəyyənləşdirmək bacarığı;
• Material, əmək, mexanizm, subpodrat və logistika xərclərinin hesablanması üzrə təcrübə;
• Cost Price, Selling Price, Markup, Gross Margin və Profit anlayışlarını yaxşı bilmək;
• Tender və kommersiya təkliflərinin hazırlanması üzrə təcrübə;
• Bazar qiymətlərini araşdırmaq, müqayisə etmək və qiymət dəyişikliklərini izləmək bacarığı;
• Təchizatçı və subpodratçı kommersiya təkliflərini qiymətləndirmək bacarığı;
• MS Excel üzrə yüksək və ya peşəkar səviyyə;
• AutoCAD proqramından istifadə və çertyoj oxuma bacarığı;
• Analitik düşüncə və rəqəmlərlə yüksək dəqiqliklə işləmək qabiliyyəti;
• Güclü hesablama və problem həll etmə bacarığı;
• Vaxt məhdudiyyəti altında işləmək və tender son tarixlərinə riayət etmək bacarığı;
• Yüksək məsuliyyət, dəqiqlik və detallara diqqət;
• Kommersiya və tender məlumatlarının məxfiliyini qorumaq.

İş şəraiti

• İş yeri: Bakı şəhəri, Çinar Park Biznes Mərkəzi;
• İş rejimi: 5 günlük;
• Əməkhaqqı: bilik və bacarıqlara əsasən.