Sosial media kontent yaradıcısı və video aparıcısı

ErtAgro şirkəti Bakı, Gəncə və Şəmkir bölgələrində fəaliyyət göstərən komandasına sosial media videolarında çıxış edəcək, məhsulları kamera qarşısında canlı və maraqlı formada təqdim edəcək enerjili bir namizəd axtarır.

Vəzifənin əsas şərti namizədin kamera önündə sərbəst, təbii və enerjili danışa bilməsidir. Video montaj bilgisi tələb olunmur, lakin bu sahədə təcrübə üstünlük sayılır.

Əsas vəzifə öhdəlikləri

• Instagram Reels, TikTok və Facebook platformalarında qısa formatlı videolarda aparıcı rolunu icra etmək;
• Meyvə, tərəvəz və digər çeşiddə olan məhsulları canlı və cəlbedici tərzdə tanıtmaq;
• Yeni məhsullar, kampaniyalar, mövsümi endirimlər və anbar iş prosesləri barədə məlumat vermək;
• Mobil telefon ilə sadə, lakin keyfiyyətli video çəkilişləri həyata keçirmək;
• Yaradıcı video və kontent ideyaları irəli sürmək;
• Tələb yarandıqda canlı yayımlarda fəal iştirak etmək;
• Marketinq komandasının müəyyən etdiyi mövzular əsasında video hazırlamaq.

Namizədə dair tələblər

• Kamera qarşısında sərbəst və enerjili davranış tərzi;
• Azərbaycan dilində səlis və aydın nitq bacarığı;
• Məhsul barədə informasiyanı sadə dildə izah etmək qabiliyyəti;
• Mobil telefonla video çəkim bacarığı;
• Məsuliyyətli, yaradıcı və komanda daxilində işləməyə hazır olmaq;
• İş yerinə davamlı gəlmək imkanı.

CapCut və digər video redaktə proqramlarında iş təcrübəsi, eləcə də əvvəlki video çəkiliş fəaliyyəti əlavə üstünlük hesab olunacaq.

İş şəraiti

• Ödənişli, 1 aylıq sınaq müddəti tətbiq olunur;
• Sabit əməkhaqqı təyin olunur;
• İş rejimi həftədə 6 gündür;
• Nahar şirkət tərəfindən təmin edilir;
• İş yerləri: Bakı (Meyvəli bazarı), Gəncə və Şəmkir olmaqla, hər bölgə üçün ayrıca əməkdaş qəbulu aparılır.

Müraciət qaydası

E-mail vasitəsilə müraciət etmək istəyən namizədlər CV-lərini mövzu hissəsində vakansiyanın adını qeyd edərək “Müraciət et” düyməsində göstərilən elektron poçt ünvanına göndərə bilərlər.

Həmçinin CV-nizi və mövcud olduğu halda 2-3 video nümunənizi WhatsApp üzərindən paylaşa bilərsiniz. Əgər hazır video nümunəniz yoxdursa, özünüzü qısa şəkildə təqdim edən bir video kifayət edəcək.

Əlaqə: +994 10 315 99 18