Sosial media və marketinq əməliyyatları üzrə mütəxəssis

Sosial media və marketinq əməliyyatları üzrə mütəxəssis axtarılır.

Vəzifə haqqında

“Honours Academy” komandası təhsil və xidmət sahəsində rəqəmsal mövqeyini daha da möhkəmləndirəcək, yaradıcı və nəticə yönümlü Sosial Media və Marketinq Əməliyyatları üzrə Mütəxəssis axtarır. Bu rol sosial media platformalarının planlı idarə olunması, kontent hazırlanması və brend kommunikasiya prosesində əsas əhəmiyyət daşıyır.

Əsas öhdəliklər

• Strategiya və idarəetmə: Brendə və aid olduğu layihələrə dair sosial media strategiyasını həyata keçirmək, gündəlik aktivliyi təmin etmək.
• Kontent istehsalı: Təlimlər, tədbirlər və məkan fəaliyyəti zamanı foto və video çəkilişlər aparmaq, dinamik reels, story və post materialları hazırlamaq.
• Planlama: Həftəlik və aylıq kontent planlarını tərtib etmək, brendin üslubuna uyğun cəlbedici caption-lar yazmaq.
• Koordinasiya: Vizual materialların hazırlanması üçün dizayner və montaj komandası ilə sıx əməkdaşlıq etmək.
• Analitika: Sosial media göstəricilərini mütəmadi izləmək, aylıq effektivlik hesabatları hazırlamaq və inkişaf üçün təkliflər vermək.
• Arxivləşdirmə: Çəkiliş materiallarını sistemli şəkildə arxivləşdirmək, məhsul və məkan çəkilişlərini təşkil etmək.

Tələblər

• Sosial media menecmenti sahəsində minimum 1-2 il iş təcrübəsi.
• Kreativ yanaşma və güclü vizual estetik anlayış.
• Şəkil və video çəkilişi, həmçinin montaj üzrə ilkin biliklər.
• Kontent planlaşdırması və vaxtın səmərəli idarə olunması bacarığı.
• Komanda ilə işləməyə meyillilik və yüksək məsuliyyət hissi.
• Azərbaycan dilində güclü yazılı və şifahi ünsiyyət bacarığı, ingilis dili üzrə orta səviyyə üstünlükdür.

Təklifimiz

• Peşəkar və dəstəkçi komanda mühiti.
• Yaradıcılıq potensialını reallaşdırmaq üçün geniş imkanlar.
• Rəqabətli əməkhaqqı və performansa əsaslanan bonus sistemi.
• Peşəkar inkişaf və təlim imkanları.

İş qrafiki

• Həftədə 5 gün: bazar ertəsi, çərşənbə, cümə, şənbə və bazar.
• İstirahət günləri: çərşənbə axşamı və cümə axşamı.
• Kampaniya, tədbir və xüsusi layihə dövrlərində iş qrafiki ehtiyaca uyğun dəyişə bilər.

Əməkhaqqı

Əməkhaqqı namizədin bilik, bacarıq və təcrübəsinə əsasən qarşılıqlı razılaşma ilə müəyyən ediləcək.

Müraciət qaydası

CV və qısa motivasiya məktubunuzu mövzu hissəsində “Sosial Media və Marketinq Əməliyyatları üzrə Mütəxəssis” qeyd etməklə Müraciət et düyməsində göstərilən elektron poçt ünvanına göndərin. Yalnız seçilmiş namizədlərlə əlaqə saxlanılacaq.