Bakıda sürücü vakansiyası üzrə “AMS GROUP” MMC BC kateqoriyalı sürücü axtarır. Namizəd şirkət avtomobili ilə Bakı və Bakı ətrafında məhsulların müştərilərə çatdırılmasını həyata keçirəcək.
Şirkət haqqında
“AMS GROUP” MMC bir neçə sürtkü materialları, filtr və akkumulyator markasının rəsmi distribütorudur.
Sürücü işi üzrə əsas vəzifələr
- Şirkət tərəfindən təqdim edilən avtonəqliyyat vasitəsini qəzasız, düzgün və səmərəli şəkildə idarə etmək.
- Avtomobil yağları, filtrlər və akkumulyatorları müştərilərə təhvil vermək.
- Malların Bakı şəhəri və Bakı ətrafı istiqamətlərdə müştərilərə çatdırılmasını təmin etmək.
- Avtonəqliyyat vasitəsini gündəlik işə hazırlamaq, onun hissə və qovşaqlarına baxış keçirmək.
- Nasazlıqların vaxtında müəyyən edilməsi üçün yoxlamalar aparmaq, aşkarlanan problemləri birbaşa aradan qaldırmaq və ya aradan qaldırılmasını təmin etmək.
- İstifadəsində olan avtomobilin təmiri ilə bağlı işlərin vaxtında və keyfiyyətlə görülməsinə nəzarət etmək.
- Avtonəqliyyat vasitəsinin istismarı üzrə təlimatlara və qüvvədə olan yol hərəkəti qaydalarına tam riayət etmək.
- İstifadə etdiyi avtomobilin iş rejimini və xüsusi istismar şərtlərini bilmək, nəqliyyat vasitəsini bu rejimə uyğun texniki xidmətə daim hazır saxlamaq.
Namizədə tələblər
- Yaş həddi: 25-40.
- BC kateqoriyalı sürücülük vəsiqəsi.
- Azərbaycan dilində səlis danışıq bacarığı.
- Yol hərəkəti qaydalarını və avtomobillərin texniki istismar tələblərini bilmək.
- Avtomobilin istismarı zamanı yaranan nasazlıqları müəyyən etmə və aradan qaldırma üsullarından məlumatlı olmaq.
- Yeni və təmirdən çıxmış avtomobillərin sürülərək yoxlanılması qaydalarını bilmək.
- Avtomobil idarəetməsinin təhlükəsizliyinə təsir edən hava şəraitlərini nəzərə almaq bacarığı.
- Yol-nəqliyyat hadisələrinin qarşısının alınması üsullarını bilmək.
İş şəraiti
- İş yeri: Badamdar şosesi.
- İş qrafiki: həftədə 5 tam iş günü, şənbə günü yarım gün.
- Əmək haqqı: 600-700 AZN.
Müraciət qaydası
CV-nizi “Müraciət et” düyməsində qeyd olunan elektron poçt ünvanına “Sürücü” başlığı ilə göndərməyiniz xahiş olunur.
