Sürücü vakansiyası üzrə komandamıza məsuliyyətli və işgüzar namizəd axtarılır. İşin əsas məqsədi şirkət avtomobilinin idarə olunması, sifariş və sənədlərin vaxtında çatdırılmasıdır.
İş şəraiti
- İş yeri: Bakı, Yasamal rayonu
- İş qrafiki: 5 günlük, 09:00–18:00
- Əmək haqqı: 600-700 AZN, tələb olunan bilik və bacarıqlara görə dəyişir
Vəzifə öhdəlikləri
- Şirkətə təhkim olunmuş avtomobillə sifariş və sənədlərin təyinat nöqtəsinə təhlükəsiz və vaxtında çatdırılmasını təmin etmək;
- Yüklərin və sənədlərin bütövlüyünü, məxfiliyini qorumaq, təhvil-təslim proseslərini daxili qaydalara uyğun aparmaq;
- Rəhbərliyin tapşırığına əsasən qonaqların qarşılanmasını və onların təhlükəsiz, etik, yüksək xidmət mədəniyyətinə uyğun şəkildə çatdırılmasını təmin etmək;
- Müəyyən edilmiş qrafik əsasında əməkdaşların və digər aidiyyəti şəxslərin təyin olunmuş marşrutlar üzrə vaxtında və təhlükəsiz daşınmasını həyata keçirmək;
- Daşınma zamanı punktuallığa, nəzakətli davranışa və konfidensiallığa riayət etmək;
- Gündəlik marşrutu planlamaq, GPS və naviqasiya tətbiqlərindən istifadə edərək uyğun yolu seçmək;
- Yol hərəkəti və təhlükəsizlik qaydalarına tam əməl etmək, təhlükəsiz sürücülük prinsiplərini qorumaq;
- Avtomobili təmiz və səliqəli saxlamaq, həmçinin texniki vəziyyətinə gündəlik nəzarət etmək: yağ, soyuducu, təkər təzyiqi, işıqlar və s.;
- Planlı texniki baxış və servis işlərinin vaxtında görülməsi üçün avtomobili mütəmadi yoxlatdırmaq və zəruri işləri görmək;
- Yanacaq çekləri, yol vərəqələri və marşrut hesabatlarını düzgün və dəqiq aparmaq;
- Fövqəladə və insident hallarında operativ reaksiya vermək və rəhbərliyə dərhal məlumat çatdırmaq;
- Rəhbərlik tərəfindən verilən digər tapşırıqları vaxtında və məsuliyyətlə yerinə yetirmək.
Tələb olunan bilik və bacarıqlar
- Yaş həddi: 30-45
- İş təcrübəsi: 1 ildən 3 ilə qədər Bakı üzrə şəhərdaxili sürücülük təcrübəsi;
- Sürücülük vəsiqəsi: ən azı B kateqoriya, C kateqoriyası olanlara üstünlük verilir;
- Bakı şəhərinin küçə və rayonlarını yaxşı tanımaq, marşrut seçimini çevik etmək bacarığı;
- Yol hərəkəti qaydalarını yüksək səviyyədə bilmək və intizamla əməl etmək;
- Təmkinli, məsuliyyətli, diqqətli və etibarlı olmaq;
- Təmiz sürücülük tarixçəsinə malik olmaq, ciddi pozuntular və cəza balları olmamalıdır;
- Avtomobildə ilkin nasazlıqları ayırd etmək və zəruri hallarda təhlükəsiz müdaxilə etmək bacarığı;
- Smartfon və naviqasiya tətbiqlərindən, həmçinin əsas ofis tətbiqlərindən, məsələn, WhatsApp və e-mail-dən istifadə bacarığı;
- Azərbaycan dili sərbəst olmalı, Rus və/və ya İngilis dili bilikləri üstünlükdür.
Müraciət qaydası
Yuxarıda qeyd edilən tələblərə uyğun namizədlər şəkilli CV-lərini Müraciət et düyməsində göstərilən elektron poçt ünvanına göndərməlidirlər. Məktubun mövzu hissəsində “Sürücü” yazılması vacibdir.
Qeyd: Mövzu hissəsi düzgün qeyd olunmayan müraciətlərə baxılmayacaq. CV göndərərkən elanda göstərilən əməkhaqqı və iş saatlarının gözləntilərinizə uyğun olduğuna əmin olun.
