Bakıda fəaliyyət göstərən şirkətimiz sürücü vakansiyası üzrə namizədləri dəvət edir. Bu vəzifə üzrə əsas məsuliyyət şirkətin məhsullarının müştərilərə müəyyən edilmiş marşrut üzrə vaxtında, tam və keyfiyyətə uyğun şəkildə çatdırılmasını təmin etməkdir. Daşınma zamanı temperatur rejiminin qorunması və gigiyenik normalara riayət edilməsi bu funksiyanın ayrılmaz hissəsini təşkil edir.
Vəzifə öhdəlikləri
- Anbarda hazır sifarişləri qaimə sənədi əsasında qəbul etmək, çeşid və miqdar uyğunluğunu yoxlamaq.
- Malların nəqliyyat vasitəsinə düzgün və təhlükəsiz yüklənməsinə nəzarət etmək.
- Gündəlik marşrut planına uyğun olaraq çatdırılmaları vaxtında icra etmək.
- Daşınma zamanı məhsulların bütövlüyünü, temperatur rejimini və gigiyenik tələblərini qorumaq.
- Müştərilərə çatdırılma zamanı qaimə, hesab-faktura və digər müşayiət sənədlərinin düzgün imzalanmasını təmin etmək.
- Nağd və ya POS terminal vasitəsilə ödənişləri qəbul etmək və mühasibatlığa müəyyən edilmiş qaydada təhvil vermək.
- Rəhbərlik tərəfindən göstərilən ünvanlardan və ya təchizat nöqtələrindən malları vaxtında götürmək.
- Götürülmüş sifarişlərin anbara qaytarılması prosesində komanda ilə birlikdə iştirak etmək və malların düzgün yerləşdirilməsinə nəzarət etmək.
- Nəqliyyat vasitəsinin texniki vəziyyətini izləmək, aşkar edilən nasazlıqlar barədə rəhbərliyə dərhal məlumat vermək.
- Avtomobilin sanitar vəziyyətini qida daşınmasına uyğun səviyyədə saxlamaq.
- Yanacaq sərfiyyatına nəzarət etmək, yol vərəqələrini müəyyən edilmiş qaydalara uyğun doldurmaq.
- Müştərilərlə ünsiyyətdə etik davranış normalarına riayət etmək və şirkətin nüfuzunu qorumaq.
- Rəhbərliyin verdiyi digər tapşırıqları yerinə yetirmək.
İş şəraiti
- Əmək müqaviləsi Azərbaycan Respublikasının əmək qanunvericiliyinə uyğun bağlanır.
- Karyera inkişafı imkanı mövcuddur.
- Peşəkar və mehriban iş mühiti.
Vakansiya aktiv deyil, son elanlara aşağıdan keçid edin
