Təchizat üzrə mütəxəssis

Heydər Əliyev Beynəlxalq Aeroportu ərazisində fəaliyyət göstərən “FLY INN Baku” mehmanxanası Təchizat üzrə Mütəxəssis vəzifəsi üzrə işçi axtarır. Əgər satınalma proseslərini idarə etmək, sənədləşmə və inventar nəzarəti sahəsində təcrübəniz varsa, bu elan sizin üçündür.

Vəzifə Öhdəlikləri

• Şirkətin bütün bölmələrinin mal və xidmətlərə olan tələbatının fasiləsiz ödənilməsinin təmin edilməsi;
• Satınalma proseslərinin müəyyən edilmiş prosedur və daxili qaydalara uyğun şəkildə icra edilməsi;
• Aylıq sifarişlər çərçivəsində PO (Purchase Order) sənədlərinin hazırlanması;
• Satınalma tələblərinin formalaşdırılması, razılaşdırılması və müvafiq sifarişlərin verilməsi;
• Anbar məlumatları əsasında müəssisənin cari mal ehtiyaclarının müəyyənləşdirilməsində iştirak;
• Satınalma sorğularının hazırlanması və alışların vaxtında reallaşdırılması üçün zəruri icazələrin alınması;
• Ayın əvvəlində növbəti dövrə aid ətraflı satınalma hesabatının tərtib edilərək təqdim olunması;
• Sifarişlərin verilməsindən çatdırılmasına qədər bütün daşınma prosesinin izlənməsi;
• Satınalma və inventar fəaliyyətlərinin idarə edilməsi: qiymət təhlili, mövcud inventardan səmərəli istifadə və təchizat siyasətlərinə əməl edilməsi;
• Satınalmalar üzrə sənədləşmə işlərinin müntəzəm və dəqiq aparılması.

Namizədə Tələblər

• Müvafiq sahədə 2-3 il iş təcrübəsi;
• Təchizat, logistika və ya əlaqəli istiqamətlər üzrə ali təhsil (arzuolunandır);
• 1C proqramı üzrə bilik; otel sektorunda iş təcrübəsi üstünlük sayılacaq;
• Azərbaycan dilini sərbəst bilmək; ingilis və rus dillərini bilmək arzuolunandır;
• Microsoft Office proqramları — xüsusilə Excel, Word və Outlook — ilə işləmək bacarığı;
• Analitik düşüncə tərzi, yüksək məsuliyyət hissi və komandada əməkdaşlıq bacarığı.

İş Şərtləri

• İş rejimi: həftədə 5 gün;
• İş saatları: 09:00–18:00 və ya 08:00–17:00;
• Nahar və nəqliyyat xərcləri şirkət tərəfindən ödənilir (Koroğlu, Binə və Mərdəkan istiqamətlərində);
• Əmək haqqı müsahibə mərhələsində razılaşdırılır;
• İş yeri: Heydər Əliyev Beynəlxalq Aeroportu, “FLY INN Baku” mehmanxanası.