Bakıda Təhsil işləri üzrə mütəxəssis vakansiyası təqdim olunur. Bu vəzifə müəllim və tutor heyətinin koordinasiyası, tədris prosesinin izlənməsi və keyfiyyətin nəzarətdə saxlanılması işlərini əhatə edir.
Vəzifə haqqında
BDA yaradıcı təhsil sahəsində fəaliyyət göstərən aparıcı mərkəzlərdən biridir və beynəlxalq standartlara uyğun peşə təhsili, eləcə də beynəlxalq sertifikasiyalar təqdim edir. Mərkəz ölkədən qlobal yarışlarda potensiallı namizədlərin iştirakına dəstək verir və yerli istedadların beynəlxalq səviyyədə tanınmasına töhfə olur.
Bu rolda əsas məqsəd müəllim və tutor heyətinin səmərəli idarə olunması, tədris prosesinin fasiləsiz şəkildə təşkili və əlaqədar koordinasiya işlərinin sistemli aparılmasını təmin etməkdir.
Vəzifənin əsas diqqət mərkəzində müəllimlərlə gündəlik ünsiyyət və koordinasiya dayanır. Namizəd dərs prosesinin, cədvəllərin, davamiyyətin, keyfiyyətin və hesabatların izlənməsi daxil olmaqla tədris prosesinin əsas koordinasiya nöqtələrindən biri olacaq.
Əsas vəzifələr
- Müəllim və tutor heyəti ilə mütəmadi ümumi və fərdi görüşlər keçirmək, onların təklif və iradlarını dinləmək, yaranan məsələləri həll etmək və uzunmüddətli əməkdaşlığı təmin etmək;
- Yeni müəllim və tutorların axtarışı və seçimi, demo dərslərin təşkili, onboarding prosesinin idarə edilməsi və daxili qaydalarla tanışlığın təmin olunması;
- Yeni qruplar üzrə müəllimlərin müəyyənləşdirilməsi, dərs və əvəz dərslərinin tarix, saat və otaq üzrə koordinasiyası, tədris cədvəlinin operativ idarə edilməsi;
- Tədris prosesini LMS üzərindən gündəlik izləmək, müəllimlərin dərslərini, cədvəllərini və davamiyyətini yoxlamaq və təsdiqləmək, keçirilmiş və qalan dərslərin sistemdə düzgün əks olunmasına nəzarət etmək;
- Tədris keyfiyyətinin yüksəldilməsi üçün sillabusların yenilənməsi və inkişaf etdirilməsi prosesini koordinasiya etmək, tələbə və müəllim sorğularının nəticələrini təhlil etmək və əsas nəticələri rəhbərliyə təqdim etmək;
- Müəllim və tutorların aylıq dərs saatlarını, keçirilmiş və qalan dərslərini, həmçinin Lab Day iştiraklarını hesablayıb təsdiqləmək və mühasibatlığa yönləndirmək;
- LMS və daxili idarəetmə sistemlərinin inkişafı üçün texniki ehtiyacları müəyyənləşdirmək, funksional tələbləri hazırlamaq və proqramlaşdırma komandası ilə koordinasiya aparmaq;
- Çətin və həssas akademik və inzibati situasiyaları operativ, diplomatik və həll yönümlü şəkildə idarə etmək.
Namizədə tələblər
- Təhsilin idarə olunması və ya inzibati koordinasiya sahəsində minimum 2–3 il real iş təcrübəsi;
- Müəllim, tutor və ya digər tədris heyəti ilə işləmək, bir neçə prosesi paralel şəkildə koordinasiya etmək təcrübəsi;
- Güclü kommunikasiya və münasibət qurmaq bacarığı, müxtəlif xarakterli müəllimlərlə peşəkar və etibarlı əməkdaşlıq yaratmaq;
- Güclü problem həll etmə və konfliktlərin idarə olunması bacarığı, çətin vəziyyətlərdə diplomatik və nəticəyönümlü yanaşma;
- Yüksək təşkilatçılıq, operativlik və detallara diqqət, cədvəl, dərs saatları və paralel proseslərlə dəqiq işləmək bacarığı;
- LMS, CRM və ya digər daxili idarəetmə sistemləri ilə işləmək və yeni texnologiyalara sürətli uyğunlaşmaq bacarığı;
- Texniki sistemlərin məntiqini anlamaq və proqramlaşdırma komandası üçün aydın task/brief hazırlaya bilmək;
- Məlumat və hesabatlarla işləmək, rəqəmləri düzgün analiz etmək və nəticələr əsasında təkliflər hazırlamaq bacarığı;
- Təşəbbüskarlıq göstərmək, ehtiyacları öncədən görmək və onların həlli üçün konkret addımlar təklif etmək;
- Azərbaycan dilində mükəmməl yazılı və şifahi nitq, rus dili biliyi üstünlükdür.
Əmək haqqı
Əmək haqqı 800-1000 Azn aralığında nəzərdə tutulub və namizədin potensialına görə dəyişə bilər.
Müraciət qaydası
Maraqlanan namizədlərdən CV-lərini “Təhsil işləri üzrə mütəxəssis – Ad Soyad” mövzu başlığı ilə, həmçinin arzu etdikləri əmək haqqı aralığını minimum və maksimum məbləğ şəklində qeyd etməklə Müraciət et düyməsində göstərilən elektron poçt ünvanına göndərmələri xahiş olunur.
