Bakı şəhərində fəaliyyət göstərən şirkət komandasına Təlim və İnkişaf mütəxəssisi axtarır. Vəzifə sahibi korporativ təlim proqramlarının hazırlanması, işçilərin peşəkar inkişafının dəstəklənməsi və şirkətin öyrənmə mədəniyyətinin formalaşdırılması istiqamətində fəaliyyət göstərəcək.
Əsas vəzifə və öhdəliklər
- Struktur bölmələrlə birgə işləyərək təlim ehtiyaclarını aşkar etmək və müvafiq təhlillər aparmaq
- Daxili və xarici təlim proqramlarının planlaşdırılmasını, təşkilini və koordinasiyasını təmin etmək
- Təlim materiallarının, təqdimatların və müvafiq sənədlərin hazırlanması
- Təlim büdcəsinin formalaşdırılmasında iştirak etmək və xərclərin icrasına nəzarəti həyata keçirmək
- Təlim provayderlərinin qiymətləndirilməsi və seçimi prosesində fəal iştirak
- Keçirilən təlimlərin nəticələrini analiz edərək effektivliyi ölçmək və rəhbərliyə mütəmadi hesabat təqdim etmək
- Yeni işçilər üçün adaptasiya (Onboarding) proqramlarının hazırlanması və icrasının koordinasiyası
- Liderlik inkişafı, istedadların idarə olunması və varislik planlaşdırması (Succession Planning) layihələrinə dəstək vermək
- Şirkət daxilində davamlı öyrənmə mədəniyyətinin formalaşmasına töhfə vermək
Vəzifə üçün tələb olunan bilik və bacarıqlar
- Ali təhsil (İnsan Resurslarının İdarə Edilməsi, Menecment, Biznesin İdarə Edilməsi, Psixologiya, Pedaqogika və ya digər müvafiq sahələr üzrə)
- Təlim və inkişaf sahəsində ən azı 2-3 il iş təcrübəsi
- MS Office proqramları üzrə bilik, xüsusilə Excel-də yüksək səviyyə
- Təlim proqramlarının işlənib hazırlanması, təşkili və qiymətləndirilməsi üzrə praktiki təcrübə
- Rəqəmsal təlim vasitələri və e-learning platformaları ilə iş bacarığı
- Layihə idarəçiliyi və müxtəlif funksional komandalarla əməkdaşlıq təcrübəsi
- Analitik təfəkkür və məlumatların şərh olunması bacarığı
- Yüksək planlaşdırma və təşkilatçılıq qabiliyyəti
- Təşəbbüskarlıq və nəticəyönümlü iş üslubu
İş qrafiki
Həftədə 5 gün, saat 09:00-dan 18:00-a qədər.
Vakansiya növü
Tam ştat
Müraciət qaydası
Vakansiya ilə maraqlanan namizədlər “Müraciət et” düyməsinə klikləyərək təqdim olunan link üzərindən müraciətlərini göndərə bilərlər.
