Təlim və inkişaf üzrə ekspert

Azersun Holding, Bakı şəhərində fəaliyyət göstərən istehsalat sahələrində çalışan operator, mexanik, elektrik və digər texniki əməkdaşların bacarıqlarını inkişaf etdirmək üçün “Təlim və inkişaf üzrə ekspert” vəzifəsi üzrə namizəd axtarışı elan edir.

Vakansiya üçün əsas tələblər

• Mühəndislik, mexanika, sənayenin təşkili və idarəetməsi, insan resursları və ya buna yaxın ixtisaslar üzrə ali təhsil;
• İstehsalat, ağır sənaye, zavod və ya texniki sahələrdə təlim proseslərinin təşkilində azı 2-3 illik iş stajı;
• Texniki komanda, operatorlar və istehsalat işçiləri ilə birgə çalışma təcrübəsi;
• Bacarıq matrisinin qurulması, təlim tələbatının araştırılması və təlim proqramlarının planlaşdırılması sahəsində bilik;
• Lean Production, 5S, OEE kimi istehsalat səmərəliliyi metodları üzrə ümumi məlumatlılıq;
• SƏTƏM qaydaları və texniki təhlükəsizlik normaları haqqında məlumatlılıq;
• Təqdimat aparmaq, fasilitasiya etmək və effektiv ünsiyyət qurmaq bacarığı;
• MS Office proqram paketindən sərbəst istifadə bacarığı;
• HRM və LMS sistemləri ilə iş təcrübəsi üstünlük hesab olunur.

Üstünlük veriləcək namizədlər

• Texniki təlim materiallarının hazırlanmasında təcrübə;
• Daxili təlimçi şəbəkəsinin və ya mentorluq sisteminin yaradılmasında iştirak;
• Sertifikatlaşdırma proseslərində iştirak təcrübəsi;
• İstehsalat nəticələri ilə təlim performansı arasındakı əlaqəni qiymətləndirmək bacarığı;
• Fərqli səviyyəli texniki əməkdaşlarla effektiv ünsiyyət qurma qabiliyyəti.

Əsas iş vəzifələri

• İstehsalat sahələrindəki iş prosesləri, avadanlıqların istismar qaydaları və əməkdaşların mövcud bacarıq səviyyəsini qiymətləndirmək;
• Operator, mexanik, elektrik və digər texniki əməkdaşlar üçün təlim tələbatını müəyyənləşdirmək;
• Avadanlıqların istismar təlimatları, texnoloji xəritələr və SOP-lar əsasında bacarıq matrisləri hazırlamaq və onları müntəzəm yeniləmək;
• Usta, sex müdiri və istehsalat rəhbərləri ilə əməkdaşlıq edərək bilik-bacarıq çatışmazlıqlarını aşkarlamaq;
• İllik və aylıq texniki təlim planlarını tərtib etmək və icra prosesini nəzarətdə saxlamaq;
• Yeni avadanlıq və texnologiyaların tətbiqi dövründə daxili resurslar və ya istehsalçı şirkət tərəfindən keçirilən təlimlərin təşkilini həyata keçirmək;
• Yeni qəbul olunan texniki işçilər üçün adaptasiya, mentorluq və iş başında öyrənmə sistemlərini qurmaq;
• Daxili təlimçiləri seçmək və “Train the Trainer” proqramının koordinasiyasını aparmaq;
• Xarici təlim və sertifikatlaşdırma qurumları ilə əlaqə qurmaq və təlim proseslərinin təşkilini təmin etmək;
• Təlimlərin defektli məhsul sayı, avadanlıq dayanma müddəti, iş qəzaları və digər istehsalat itkilərinə təsirini qiymətləndirmək;
• Təlim nəticələrinə dair hesabatlar tərtib edərək rəhbərliyə təqdim etmək.

İş şəraiti

• İş yeri: Bakı şəhəri;
• İş qrafiki: həftə içi (Bazar ertəsi – Cümə), saat 09:00–18:00;
• Nahar şirkət tərəfindən ödənilir;
• Nəqliyyat xidməti təmin olunur.