Təlimçi

Bakıda fəaliyyət göstərən restoran şəbəkəsinin “Avrora Akademiya” təlim mərkəzi komandasına Təlimçi (Trainer) vəzifəsi üzrə işçi axtarılır. Restoran sahəsində təcrübəli, təlim və inkişaf proqramlarının hazırlanmasında bacarıqlı namizədlər bu vakansiyaya müraciət edə bilər.

Əsas vəzifə öhdəlikləri

• Şirkətin inkişaf tələbatlarını təhlil edərək müvafiq inkişaf proqramlarının tərtib olunması;
• “Avrora Akademiya”nın strategiyasına əsaslanaraq təlim materiallarının, təqdimatların, video dərslərin, testlərin və qiymətləndirmə vasitələrinin hazırlanması və müntəzəm yenilənməsi;
• Restoran şəbəkəsi üçün vacib olan qida təhlükəsizliyi, gigiyena qaydaları, xidmət standartları, müştəri məmnuniyyəti və satış texnikaları sahəsində əməkdaşlara təlimlərin keçirilməsi;
• Təlim iştirakçıları, davamiyyət göstəriciləri və qiymətləndirmə nəticələri üzrə hesabatların tərtib edilməsi;
• Təlimlərin nəticəliliyinin qiymətləndirilməsi, inkişaf istiqamətləri üzrə təkliflərin hazırlanması və icra prosesinə nəzarət edilməsi;
• Əməliyyat standartlarında və xidmət qaydalarında baş verən dəyişikliklərin təlim materiallarına inteqrasiyası və komandaya çatdırılması;
• Yeni işə başlayan əməkdaşlar üçün ilk iş günü təlimlərinin təşkili;
• Təlimdən keçmiş əməkdaşların sonrakı fəaliyyətinin izlənilməsi və dövri hesabatların hazırlanması;
• Restoranlara müntəzəm səfərlər edərək standartların tətbiqinin yoxlanılması, yerində kouçinq və inkişaf dəstəyinin verilməsi.

Tələb olunan bilik və bacarıqlar

• MS Office proqramlarında bilik;
• PowerPoint, Canva və digər təqdimat proqramlarında yüksək səviyyəli bilik;
• TOT sertifikatının olması üstünlükdür;
• Yüksək ünsiyyət qabiliyyəti;
• Planlaşdırma və təşkilatçılıq bacarığı;
• Təqdimat etmə bacarığı;
• Dəyişiklikləri idarə etmə bacarığı;
• Komanda daxilində işləmək bacarığı.

Tələb olunan təhsil və iş təcrübəsi

• Təhsil: Ali;
• İş təcrübəsi: Minimum 2 il (Restoran sahəsində).

İş şəraiti

• İş qrafiki: Tam iş günü, həftədə 5 gün;
• İş saatları: 09:00-18:00;
• İş yeri: Bakı şəhəri.

Biz nə təklif edirik

• Əmək bazarına uyğun rəqabətli əməkhaqqı;
• Peşəkar komanda mühitində çalışmaq imkanı;
• Şirkət tərəfindən korporativ nömrə təminatı;
• Nahar təminatı.

Yuxarıda qeyd olunan tələblərə cavab verən namizədlərdən CV-lərini mövzu hissəsinə “Təlimçi” yazaraq “Müraciət et” düyməsində göstərilən elektron poçt ünvanına göndərmələri xahiş olunur.

Yalnız tələblərə uyğun namizədlərlə əlaqə saxlanılacaqdır.