Təqaüd Proqramları çərçivəsində tələbələrə verilən dəstək 2021-ci ildən etibarən həyata keçirilir və “AzerGold” QSC-nin orta və uzunmüddətli inkişaf strategiyasına uyğun olaraq formalaşdırılıb.
Təqaüd proqramının məqsədi
Bu proqram Cəmiyyətin fəaliyyət istiqamətlərinə uyğun ixtisaslarda təhsil alan, ölkədə fəaliyyət göstərən ali təhsil müəssisələrinin bakalavr və magistr pillələrində oxuyan Azərbaycan vətəndaşı olan tələbələr üçün nəzərdə tutulur.
- Təhsilə və elmi araşdırmalara marağı artırmaq, istedadlı tələbələrin bilik və bacarıqlarını iş mühitində üzə çıxarmaq və onların sosial müdafiəsinə dəstək vermək;
- Cəmiyyətin strateji layihələri üçün gələcəkdə lazım olacaq kadrların müəyyənləşdirilməsinə şərait yaratmaq;
- İstedadlı və təşəbbüskar tələbələrin qanunvericiliyin tələbləri nəzərə alınmaqla təcrübə proqramlarına cəlb olunmasına və nəzəri biliklərin praktiki təcrübəyə çevrilməsinə dəstək göstərmək.
Müraciət qaydası
Maraqlanan namizədlər Müraciət et düyməsində göstərilən link vasitəsilə müraciət edə bilərlər.
