Texniki qulluq və təmir üzrə növbə rəisi

Texniki işlər departamenti üzrə açıq olan Texniki qulluq və təmir üzrə növbə rəisi vəzifəsi üçün istehsalat sahəsində texniki xidmət, təmir proseslərinin idarə olunması və komandanın koordinasiyası üzrə təcrübəli namizədlər dəvət olunur. Vəzifə avadanlıqların fasiləsiz və təhlükəsiz işləməsinin təmin edilməsini, texniki qulluq işlərinin planlı şəkildə təşkili və icrasına nəzarəti əhatə edir.

Vəzifə və öhdəliklər

• Növbə ərzində həyata keçiriləcək texniki qulluq və təmir işlərini əvvəlcədən planlaşdırmaq və prosesin təşkili üzrə nəzarəti təmin etmək.
• Texniki qulluq və təmir heyətinin gündəlik işini əlaqələndirmək, vəzifələri düzgün bölgü əsasında təqdim etmək.
• Təmir prosesləri üçün tələb olunan material, alət və avadanlıqların vaxtında təmin edilməsinə nəzarət etmək.
• Yaranan texniki nasazlıqları müəyyən etmək, onların operativ və səmərəli aradan qaldırılması üçün müvafiq tədbirlər görmək.
• Görülən təmir və texniki xidmət işlərinin keyfiyyət göstəricilərini və təhlükəsizlik tələblərinə uyğunluğunu yoxlamaq.
• Quraşdırma, texniki xidmət və təmir işlərinin müəyyən olunmuş qaydalara uyğun və təhlükəsiz şəkildə yerinə yetirilməsinə nəzarət etmək.
• Avadanlıqların iş göstəricilərini mütəmadi izləmək, normadan kənar hallar aşkar edildikdə vaxtında müdaxilə etmək.
• Texniki qulluq və təmir üzrə çalışan əməkdaşların əməyin mühafizəsi və təhlükəsizlik qaydalarına riayət etməsini təmin etmək.
• Texniki xidmət və təmir işləri üzrə qeydiyyat aparmaq, yerinə yetirilən tapşırıqlarla bağlı hesabat sənədləri hazırlamaq.
• Avadanlıqların cari vəziyyəti, icra edilmiş işlər və istifadə olunan ehtiyat hissələri barədə dövri hesabatlar təqdim etmək.
• Mövcud avadanlıqlardan səmərəli istifadəni təmin etmək və onların texniki vəziyyətini davamlı şəkildə nəzarətdə saxlamaq.
• Yeni avadanlıqların quraşdırılması və mövcud sistemlərin təkmilləşdirilməsi ilə bağlı təkliflər irəli sürmək.

Tələblər

• Ali təhsil; Elektrik və avtomatika mühəndisliyi ixtisası üzrə təhsil alan namizədlərə üstünlük verilir.
• Sahə üzrə müvafiq sertifikatların olması əlavə üstünlük hesab olunur.
• İstehsalat sahəsində minimum 3-5 il iş təcrübəsi.
• MS Office proqramlarından istifadə bacarığı.
• Azərbaycan dilini əla səviyyədə, rus və ingilis dillərini isə yaxşı səviyyədə bilmək.

Xüsusi bacarıqlar

• Komanda idarəetməsi üzrə bacarıq.
• Effektiv ünsiyyət qurmaq qabiliyyəti.
• İşin planlaşdırılması və prioritetlərin düzgün müəyyən edilməsi bacarığı.
• Problemlərin operativ həlli üzrə yanaşma.
• Analitik və tənqidi düşünmə qabiliyyəti.
• Detallara diqqətlə yanaşmaq bacarığı.

İş şəraiti

• İş yeri: Sumqayıt şəhəri.
• İş qrafiki: növbəli.
• Sumqayıt şəhəri və 20 Yanvar dairəsi istiqamətindən servis xidməti mövcuddur.
• Könüllü tibbi sığorta təmin edilir.
• Peşəkar inkişaf məqsədilə təlim və seminar imkanları təqdim olunur.
• Əmək haqqı namizədin bilik və peşəkar bacarıqlarına uyğun olaraq müəyyən edilir.