Əsas vəzifələr
- Mərkəzə yeni qəbul olunan hər bir şagird üçün “Şagird sağlamlıq forması”nı doldurub “Şagird qovluğu”nda saxlamaq, təhsil başa çatdıqda isə müvafiq qaydada arxivləşdirmək.
- Dərs saatı ərzində müvafiq akademik direktor müavinin icazəsi ilə tibb məntəqəsinə müraciət edən şagirdlərə tibbi xidmət göstərmək, zəruri hallarda dərman və tibbi vasitələr təqdim etmək, aparılan müdaxilələri qeydiyyatda əks etdirmək.
- Müntəzəm dərman qəbul edən şagirdlərin preparatlarının düzgün şəraitdə saxlanmasını təmin etmək, pediatrın tövsiyəsi əsasında istifadəyə nəzarət etmək; sağlamlıq vəziyyətinə görə bədən tərbiyəsi dərslərindən azad olunma arayışlarını toplamaq və qeydiyyatını aparmaq.
- Tibb məntəqəsindən həftəlik istifadə statistikasını qeydə almaq; şagirdlər və işçilərin qanunvericiliyə uyğun olaraq dövrü tibbi müayinələrdən vaxtında keçməsini izləmək və müvafiq sənədləşməni aparmaq.
- Səhiyyə Nazirliyinin tələbləri çərçivəsində şagirdlər arasında sağlamlıq yoxlamaları üçün siyahılar hazırlamaq, “Razılıq vərəqəsi” əsasında yoxlamaların aparılmasını və nəticələrin “Şagird sağlamlıq forması”na köçürülməsini təmin etmək.
- Yıxılma, toqquşma, sınıq, qızdırma, allergik reaksiya, qan təzyiqi kimi fövqəladə hallarda valideynlərə dərhal məlumat vermək, ilk tibbi yardım göstərmək və şagirdi müşahidə altında saxlamaq.
- Şagird və ya işçinin təcili tibbi köçürülməsi tələb olunan vəziyyətlərdə Təcili Yardım xidmətinə müraciət etmək, müvafiq əməkdaşları vəziyyət barədə ətraflı məlumatlandırmaq.
- İbtidai sinif şagirdlərinin boy və çəki ölçümlərini vaxtında həyata keçirmək, alınan nəticələri tibbi formada qeydə almaq.
- Gündəlik olaraq Mərkəzə daxil olan şagirdlərin ilkin sağlamlıq müayinəsini (bədən istiliyi ölçümü, fiziki müayinə) aparmaq; mərkəzdənkənar tədbirlər zamanı şagirdlərin sağlamlıq vəziyyətinə nəzarəti davam etdirmək.
- Mərkəzdə gigiyena normalarına riayət edilməsinə nəzarət etmək; xüsusi qidalanma ehtiyacı olan şagirdlər üçün fərdi qidalanma rejiminin düzgün təşkilini izləmək.
- Yeni işçilərin sağlamlıq sənədlərini qəbul etmək, qeydiyyat kitabçasını açmaq və dövrü qeydləri sistemli şəkildə aparmaq.
- Fəaliyyət istiqaməti üzrə Mərkəzi təmsil etmək, daxili və xarici müştəri məmnuniyyətini nəzərə alaraq işini qurmaq, sanitariya-gigiyenik maarifləndirmə tədbirlərini həyata keçirmək.
- İlkin yardım və profilaktik tədbirləri effektiv şəkildə icra etmək; qida blokunun sanitar-gigiyena vəziyyətinə nəzarət etmək; fəaliyyətlə bağlı bütün qeydiyyat və sənədləşmə işlərini vaxtında və dəqiq aparmaq.
- Dövrü hesabatlar hazırlamaq, fərdi mühafizə vasitələrindən düzgün istifadə etmək, əməyin mühafizəsi qaydalarına ciddi əməl etmək.
- SƏTƏM mütəxəssisinin göstərişlərini yerinə yetirmək; aşkar edilmiş nasazlıq və çatışmazlıqların operativ şəkildə aradan qaldırılmasını təmin etmək.
Namizədə tələblər
- Tibb sahəsi üzrə subbakalavr və ya peşə ixtisas təhsili.
- Müvafiq sahədə 1-2 il iş təcrübəsi.
- Əmək, ailə qanunvericiliyi və səhiyyə sahəsinə aid qanunvericilik aktlarını bilmək.
- Gigiyena əsasları, uşaqların həyatının qorunması və sağlamlığının möhkəmləndirilməsi sahəsində bilik.
- Əməyin mühafizəsi, təhlükəsizlik texnikası, sanitar-gigiyena və yanğından mühafizə normalarına bələdlik.
- Uşaqlara göstərilən ilk təcili tibbi yardım və dərman yardımı prinsiplərini bilmək.
- Sanitar-profilaktika qaydalarına dair bilik.
- MS Office proqramlarında işləmə bacarığı.
- Güclü ünsiyyət bacarığı; məsuliyyətlilik və dürüstlük.
- Səbirlilik, problem həll etmə qabiliyyəti, planlaşdırma və təşkilatçılıq.
- Vaxtı səmərəli idarə etmə; fiziki yükə dözümlülük.
- Komanda ilə əməkdaşlıq bacarığı; texnoloji alət və avadanlıqlardan effektiv istifadə.
İş şəraiti
- Vakansiya növü: Tam ştat.
- Nahar təmin edilir.
- Tibbi sığorta.
Vakansiya aktiv deyil, son elanlara aşağıdan keçid edin
