Ticari Marketinq üzrə mütəxəssis

Veyseloğlu şirkəti Bakı şəhərində Ticari Marketinq üzrə Mütəxəssis vəzifəsi üzrə namizədlər axtarır. Bu rol, satış kanalları üzrə ticari aktivliklərin icrası, BTL fəaliyyətlərinin idarə edilməsi və brend komandası ilə əlaqələndirilmiş planlamanı əhatə edir. FMCG, pərakəndə və ya distribusiya sahəsində təcrübəsi olan, analitik düşüncə tərzinə malik namizədlər üçün uyğundur.

Əsas vəzifə öhdəlikləri

• Ticari marketinq strategiyalarının icrası çərçivəsində kampaniyaların, tanıtım fəaliyyətlərinin, mağazadaxili brendinqin və digər əlaqəli funksiyaların həyata keçirilməsində iştirak etmək;
• Satış nöqtələri üzrə ərazi ziyarətləri həyata keçirmək, rəqiblərin fəaliyyətini, qiymət siyasətini, promosyonları və stok səviyyəsini izləmək;
• Stok hərəkətinə nəzarət etmək; yavaş dövriyyəli və ya son istifadə tarixi yaxınlaşan məhsullar üzrə ticari planlar hazırlayaraq satış komandasına təqdim etmək;
• KA və ənənəvi ticarət kanalı müştəriləri üçün brend menecerləri ilə koordinasiya qurmaq, kateqoriya idarəçiliyini təmin etmək;
• BTL fəaliyyətlərini icra etmək: promouterlərin iş fəaliyyətinə nəzarət, hədəflərin müəyyənləşdirilməsi, dadım aksiyalarının təşkili, tanıtım məqsədli hədiyyəli aktivliklərin planlanması və icraya nəzarət;
• Ticari və istehlakçı təkliflərini proqnozlaşdırmaq, müvafiq məlumatları tələb planlaşdırma komandasına ötürmək;
• Satış hədəflərinə nail olmaq üçün satış meneceri ilə müntəzəm əlaqə saxlamaq və ticari aktivlikləri birlikdə izləmək.

Vəzifəyə dair tələblər

• Ali təhsil: İqtisadiyyat, Biznesin İdarə Edilməsi, Menecment, Marketinq və ya əlaqəli ixtisas;
• Trade marketing, brend marketinq və ya satış sahəsində 1-2 il iş təcrübəsi; FMCG, pərakəndə ticarət və ya distribusiya sektorunda təcrübə üstünlük sayılır;
• MS Office proqramlarında, xüsusilə Excel-də yüksək səviyyədə bilik; SAP və CRM sistemlərindən istifadə bacarığı üstünlükdür;
• İngilis dilini yaxşı səviyyədə bilmək tələb olunur; rus dili bilikləri üstünlük kimi qiymətləndirilir;
• Bir neçə layihəni eyni vaxtda idarə etmək və müxtəlif tərəfdaşlarla səmərəli iş əlaqələri qurmaq bacarığı.

İş şəraiti

• Əmək haqqı: Müsahibə nəticəsinə əsasən müəyyən edilir;
• İş yeri: Bakı şəhəri;
• İş qrafiki: Həftənin 5 günü, saat 09:00–18:00.

Təminatlar

• Servis xidməti;
• Nahar təminatı.