İnşaat layihələri üzrə büdcə və xərc nəzarəti vakansiyası layihə büdcələrinin, tender təkliflərinin və müqavilə ödənişlərinin təhlilini əhatə edir. Bu rol mülki tikinti sahəsində maliyyə sənədləri, hesabatlar və xərc uyğunluğu ilə işləmək təcrübəsi olan namizədlər üçün nəzərdə tutulub.
Vəzifə öhdəlikləri
- Layihə büdcəsini və podratçıların təqdim etdiyi qiymət təkliflərini təhlil etmək.
- Müqavilə dəyərlərinin araşdırılması prosesində qiymətləndirmə komandasına dəstək göstərmək.
- Layihə tələblərinə əsasən yerinə yetirilmiş işləri analiz etmək.
- İlkin, aralıq və yekun ödəniş sənədlərini, dəyişiklik proseduru üzrə sənədləri və irəliləyiş hesabatlarını birbaşa rəhbərlə birlikdə yoxlamaq.
- Podratçılar tərəfindən tərtib edilmiş maliyyə hesabatlarının düzgünlüyünü nəzərdən keçirmək.
- Ödəniş sənədlərinin müqavilə şərtlərinə uyğun hazırlanmasını yoxlamaq.
- İddia və tələbləri təhlil etmək, əsas səbəbləri araşdırmaq və nəticələr barədə rəhbərliyə hesabat təqdim etmək.
- Layihələrin maliyyə axınlarını hazırlamaq və tələb olunan müddət və aralıqlarda təqdim etmək.
- Mühəndis qiymətləndirməsi zamanı layihə komandası ilə birlikdə zəruri işlərin icrasına kömək etmək.
- Tender və sorğu mərhələsindən əvvəl ehtimal olunan dəyərləri hazırlamaq.
- Tender və sorğu prosesində maliyyə təkliflərini yoxlamaq, təhlillər aparmaq və yekun hesabatlar hazırlamaq.
- Büdcələri maliyyə planları üzrə qaydalara uyğun tərtib etmək və mərhələlər üzrə yeniləmək.
- Layihə büdcələrinə nəzarət etmək, 1C və Aconex kimi elektron platformalarda xərclərin düzgünlüyünü və uyğunluğunu təmin etmək, iş strukturu bölmələrinin düzgün formalaşdırılmasına nəzarət etmək.
- Layihə üzrə dəyişikliklər baş verdikdə BoQ dəyişiklik tarixçəsi cədvəllərini hazırlamaq, onları təhlil etmək və hesabat vermək.
- Rəhbərlik tərəfindən tapşırılan, vəzifə təlimatı və öhdəliklərinə uyğun digər oxşar işləri yerinə yetirmək.
- Şirkətdə tətbiq olunan yerli və beynəlxalq standartların tələblərinə tam riayət etmək.
- Şirkətin və ya birbaşa şirkətə məxsus enerji mənbələrindən səmərəli istifadə etmək, əlavə enerji itkisinə səbəb ola biləcək hallar barədə məlumat təqdim etmək.
Namizədə tələblər
- Təhsil: İnşaat mühəndisliyi və ya müvafiq, oxşar ixtisas üzrə ali təhsil.
- İş təcrübəsi: Mülki tikinti sahəsində oxşar vəzifədə minimum 5 il iş təcrübəsi.
- Dil bilikləri: Azərbaycan dili səlis, ingilis dili yaxşı səviyyədə.
- Kompüter bilikləri: MS Office və AutoCAD proqramlarından istifadə bacarığı.
- Detallara qarşı diqqətli yanaşma.
- Yüksək ünsiyyət bacarığı.
- Komanda ilə işləmək bacarığı.
Vakansiya növü
Tam ştat.
Müraciət qaydası
Maraqlanan namizədlər elanda qeyd olunan “Müraciət et” düyməsindəki linkə daxil olaraq müraciət edə bilərlər.
