Elektrik və energetika sahəsində fəaliyyət göstərən müəssisə, yarımstansiyaların operativ istismarını təmin etmək üçün Operativ Növbətçi Elektrik vəzifəsinə namizəd axtarır. Bu vəzifə elektrik avadanlıqlarının fasiləsiz və təhlükəsiz işini izləmək, qəza vəziyyətlərində operativ qərarlar qəbul etmək kimi məsuliyyətli sahələri əhatə edir.
Vəzifə Öhdəlikləri
- Müəssisə ərazisindəki yarımstansiyaların və elektrik avadanlıqlarının operativ istismarının təşkili
- Növbənin qəbul və təhvilinin normativ tələblərə uyğun həyata keçirilməsi
- Elektrik sxemlərinə əsasən açma-bağlama əməliyyatlarının yerinə yetirilməsi və avadanlıqların iş rejimlərinə nəzarətin aparılması
- Elektrik avadanlıqlarının gündəlik vizual yoxlanılması, aşkar olunan nasazlıqların operativ jurnalda əks etdirilməsi
- Qəza və nasazlıq hallarında operativ qərar qəbulu, aradan qaldırılma işlərinə rəhbərlik və rəhbərliyin vaxtında məlumatlandırılması
- Ölçü cihazlarının göstəricilərinin müntəzəm qeydiyyatının aparılması
- Naryad və sərəncam əsasında yerinə yetirilən işlərin əmək təhlükəsizliyi normalarına uyğun icrasının təmin edilməsi
- Əməyin mühafizəsi, texniki təhlükəsizlik və yanğın təhlükəsizliyi qaydalarına uyğun davranışın təmin edilməsi
Namizədə Tələblər
- Təhsil: Elektrik və ya energetika ixtisası üzrə ali texniki təhsil (Bakalavr)
- İş təcrübəsi: Müvafiq sahədə 3-5 il praktik iş təcrübəsi
- 6/10/35/110 kV gərginlik səviyyəli yarımstansiyaların istismar prinsipləri haqqında bilik
- Elektrik sxemlərini və sadə texniki çertyojları oxuma bacarığı
- Yüksək gərginlikli avadanlıqlar, güc transformatorları, fiderlər və rele mühafizəsi sistemləri üzrə əsas biliklər
- Operativ jurnal və texniki sənədləşmə ilə işləmə bacarığı
- Qeyri-standart və qəza vəziyyətlərində sürətli, təhlükəsiz qərar qəbul etmə qabiliyyəti
- Kompüter bilikləri: MS Office proqramları ilə işləmə bacarığı
- Məsuliyyətlilik, yüksək diqqət səviyyəsi və növbəli iş qrafikində çalışmağa hazırlıq
Vakansiya aktiv deyil, son elanlara aşağıdan keçid edin
