Videoqraf / Fotoqraf

Holcim Azərbaycan rəqəmsal media istiqamətini inkişaf etdirmək məqsədilə peşəkar Videoqraf/Fotoqraf vəzifəsinə namizəd axtarır. Bu rol üçün axtardığımız şəxs yalnız texniki bacarıqlara deyil, həm istehsalat, həm də ofis mühitində işığı, kadrı və emosional anı düzgün tutmağı bacaran, sosial media trendlərini aktiv izləyən, komandayönümlü bir mütəxəssisdir. Şirkətin innovasiya, davamlılıq və korporativ dəyərlərini vizual formata çevirmək bu vəzifənin əsas missiyasıdır.

Vəzifə Öhdəlikləri

• Çəkiliş Prosesinin İdarə Edilməsi: Holcim zavodlarında (istehsalat sahələrində), Binastore mağaza şəbəkəsində, korporativ tədbirlərdə və ofis mühitində kamera, səs və işıqlandırma avadanlıqları ilə tam peşəkar video və foto çəkilişlərinin həyata keçirilməsi.
• Sosial Media üçün Qısamüddətli Video Məzmununun Hazırlanması: Sosial media platformaları və daxili kommunikasiya kanalları üçün layihə çərçivəsində 1 dəqiqəlik, dinamik və diqqətçəkici video məzmununun istehsalı.
• Müsahibə və Testimonial Çəkilişlərinin Aparılması: Rəhbər heyətlə, zavod əməkdaşları ilə və müştərilərlə (usta və dilerlər) əvvəlcədən müəyyənləşdirilmiş ssenarilərə uyğun müsahibə çəkilişlərinin reallaşdırılması.
• Post-Production İşlərinin Yerinə Yetirilməsi: Çəkilmiş materialların peşəkar səviyyədə montajı, rəng korreksiyası (color grading), səs dizaynı, musiqi seçimi və Azərbaycan/İngilis dillərində subtitr əlavə edilməsi.
• Korporativ Vizual Standartlara Uyğunluğun Təmin Edilməsi: Hazırlanan bütün video və foto materialların qlobal Holcim Brandbook tələblərinə (loqo yerləşməsi, rəng palitrası, şrift standartları) tam uyğunluğunun nəzarət altında saxlanılması; HSE qaydalarına yüksək səviyyədə riayət edilməsi.

Tələb Olunan Bilik və Bacarıqlar

• İş Təcrübəsi: Videoqrafiya, fotoqrafiya və montaj sahəsində ən azı 2-3 il praktiki təcrübə; korporativ sektorda, xüsusilə B2B və ya sənaye mühitindəki təcrübə əlavə üstünlük kimi nəzərə alınacaq.
• Proqram Təminatı Bilikləri: Adobe Premiere Pro, After Effects, Photoshop və ya bu səviyyədə alternativ peşəkar montaj və qrafika proqramlarında sərbəst işləmə qabiliyyəti.
• Avadanlıqla İş Bacarığı: Yaxa mikrofonları, peşəkar işıqlandırma sistemləri və gimbal (görüntü stabilizatoru) kimi çəkiliş avadanlıqlarından operativ və müstəqil şəkildə istifadə edə bilmək.
• Təhlükəsizlik Mədəniyyəti: Holcim-in SƏTƏM (HSE – Sağlamlıq, Əməyin Təhlükəsizliyi və Ekoloji Mühit) tələblərinə hörmətlə yanaşmaq və zavod ərazisindəki çəkilişlər zamanı müvafiq qaydalara ciddi şəkildə əməl etmək.
• Şəxsi Keyfiyyətlər: Yaradıcı düşüncə tərzi, detallara yüksək diqqət, komanda mühitinə uyğunlaşma bacarığı və son tarixlərə (deadline) dəqiq riayət etmək.