Bu vakansiya təhsil müəssisəsinin Təsərrüfat və İnzibati Dəstək Bölməsi çərçivəsində təmizlikçi vəzifəsi üzrə elan edilir. Namizəd müəssisə daxilindəki müxtəlif sahələrin gündəlik təmizliyini və səliqəsini təmin etməklə yanaşı, bölmə müdirinin tapşırıqlarını da icra edəcəkdir. İş rejimi 08:00–17:00, tam ştat əsasında nəzərdə tutulmuşdur.
Vəzifə öhdəlikləri
- Bölmə direktoru tərəfindən müəyyən edilmiş sinif otaqları, kabinetlər, laboratoriyalar, tətbiqi dərs zalları, WC, konfrans zalı, dəhlizlər və pilləkənlər daxil olmaqla təyin olunmuş mərtəbələrin gündəlik təmizliyini həyata keçirmək və bu sahələrin gün boyu səliqəli saxlanmasına nəzarət etmək;
- Vaxtaşırı verilən materiallardan əlavə ehtiyac yarandıqda “Material Sorğu Forması”nı dolduraraq bölmə müdirinə təqdim etmək, təsdiqlənmiş forma əsasında anbardan lazımi materialları təhvil almaq;
- İşlədiyi sahələrdə işıqlandırma, isitmə, soyutma sistemlərində və mebeldə nasazlıq və ya zədə aşkar etdikdə bölmə müdirini bu barədə vaxtında məlumatlandırmaq;
- Hər iş gününün sonunda mərtəbələrdəki kranların və işıqların söndürülüb-söndürülmədiyini yoxlamaq və zəruri tədbirləri görmək;
- Dövri ümumi təmizlik işləri zamanı otaq, kabinet, laboratoriya, WC, konfrans zalı, dəhliz və pilləkənlərin divarlarını, partalarını, şkaflarını, şüşə səthlərini və digər səthlərini təmizləmək;
- Bölmələrdəki pərdələri müəyyən aralıqlarla söküb yumaq və yenidən asmaq;
- Bölmə müdirinin tapşırığı ilə müəssisə daxilində və ya xaricində keçiriləcək tədbirlər üçün stul, səhnə, dekor, xalça, texniki avadanlıq və digər materialların daşınmasını fəaliyyət sahəsinə zərər vermədən təmin etmək;
- Müəssisə daxilində yer dəyişikliyi olduqda bölmələrə aid əşyaların zədəsiz şəkildə köçürülməsinə yardım etmək;
- İşlədiyi ərazilərdə sahibsiz əşya aşkar etdikdə bölmə müdirini məlumatlandırmaq və göstəriş əsasında həmin əşyaları itmiş əşya anbarına yerləşdirmək;
- İş saatlarından kənar növbətçilik zamanı binanın, dərs otaqlarının və iş yerlərinin təmizliyini təmin etmək;
- Təmizlik materialları və avadanlıqlardan qənaətlə, məqsədyönlü şəkildə istifadə etmək;
- Kimyəvi maddələrlə işləyərkən SƏTƏM qaydalarına riayət etmək;
- Hovuzu və su çənini ildə iki dəfə təmizləmək;
- Satınalma tələbinə uyğun sorğuları bölmə müdirinə vaxtında təqdim etmək;
- Fəaliyyət sahəsi üzrə müəssisəni təmsil etmək, daxili və xarici müştəri məmnuniyyətini əsas tutaraq işini qurmaq və birbaşa rəhbərin tapşırıqlarını yerinə yetirmək.
Namizədə olan tələblər
- Peşəkar təmizlik qaydaları və metodları haqqında bilik;
- Sağlamlıq, təhlükəsizlik, əməyin mühafizəsi, texniki təhlükəsizlik və yanğından mühafizə normalarını bilmək;
- Ünsiyyət qurma bacarığı;
- Xidmət yönümlü, müsbət yanaşma tərzi;
- Səbirlilik və məsuliyyət hissi;
- Ədalətlilik və dürüstlük;
- Fiziki iş yükünü öhdəsinə gələ bilmək;
- Komanda ilə əməkdaşlıq etmək bacarığı;
- Texniki alət və təmizlik avadanlıqlarından səmərəli istifadə etmək bacarığı.
İş şərtləri və imtiyazlar
- İş rejimi: Tam ştat, 08:00–17:00;
- Nahar: Şirkət tərəfindən təmin edilir;
- Tibbi sığorta təqdim olunur.
Vakansiya aktiv deyil, son elanlara aşağıdan keçid edin
