ARI Beynəlxalq Təhsil Mərkəzi üçün Bakı şəhərində Xaricdə Təhsil üzrə Koordinator axtarılır.
Vəzifə öhdəlikləri
- Almaniya, Avstriya və digər Avropa ölkələrində yerləşən universitetlər, Studienkolleg-lər və təhsil proqramları haqqında araşdırma aparmaq;
- Universitetlərin qəbul tələblərini, ixtisas şərtlərini, müraciət tarixlərini, təhsil haqlarını, dil şərtlərini və digər vacib məlumatları təhlil etmək;
- Tələbənin akademik göstəricilərinə, dil səviyyəsinə, büdcəsinə və məqsədinə uyğun universitet və ixtisasları müəyyənləşdirmək;
- Tələbə üçün uyğun universitet və proqram alternativləri hazırlamaq;
- Müraciət strategiyasını formalaşdırmaq;
- Studienkolleg və bakalavr/magistr proqramlarına müraciət prosesini başlanğıcdan qəbul mərhələsinədək idarə etmək;
- Universitetlərə, Uni-Assist və digər qəbul platformalarına müraciətləri həyata keçirmək;
- Tələbə sənədlərini universitet və proqram tələblərinə uyğun hazırlamaq və yoxlamaq;
- Sənədlərdə çatışmazlıqları və uyğunsuzluqları əvvəlcədən müəyyən etmək;
- Universitetlərlə ingilis və/və ya alman dilində rəsmi yazışmalar aparmaq;
- Tələbə və valideynləri müraciət prosesinin gedişatı barədə vaxtında və düzgün məlumatlandırmaq;
- Universitetlərin deadline-larını, müraciət tarixlərini və əlavə sənəd tələblərini sistemli şəkildə izləmək;
- Hər bir tələbənin müraciət statusunu CRM və daxili sistemlərdə vaxtında yeniləmək;
- Tələbələr üzrə sənəd və müraciət checklist-lərini aparmaq;
- Qəbul, rədd, əlavə sənəd tələbi və digər universitet cavablarını sistemdə qeyd etmək;
- Qəbul prosesində yaranan problemləri araşdırmaq və həll yollarını müəyyənləşdirmək;
- Riskli, gecikmiş və ya əlavə müdaxilə tələb edən müraciətlər barədə rəhbərliyə vaxtında məlumat vermək;
- Tələbənin dil hazırlığına ehtiyac olduqda Tədris Şöbəsi ilə koordinasiya etmək;
- Yeni universitetlər, ixtisaslar, Studienkolleg-lər, təqaüdlər və beynəlxalq təhsil imkanlarını mütəmadi araşdırmaq;
- Universitetlərin qəbul siyasətində baş verən dəyişiklikləri izləmək;
- Xaricdə təhsil sahəsində yeni imkanların şirkətin xidmət portfelinə əlavə edilməsi üçün təkliflər hazırlamaq;
- Xaricdə Təhsil Şöbəsinin həftəlik və aylıq nəticələri üzrə hesabatlar hazırlamaq;
- Rəhbərliyin verdiyi digər aidiyyəti tapşırıqları icra etmək.
Namizəddən gözləntilər
- Ali təhsil, minimum bakalavr dərəcəsi;
- İngilis dili minimum B2 səviyyəsində, C1 üstünlükdür;
- Rus dilində yaxşı ünsiyyət və yazışma bacarığı;
- Alman dili biliyi əlavə üstünlükdür;
- Xaricdə təhsil sahəsində iş təcrübəsi üstünlükdür;
- Güclü analitik düşüncə və araşdırma qabiliyyəti;
- İnternet resurslarından istifadə edərək məlumatı müstəqil tapmaq, müqayisə etmək və düzgün nəticə çıxarmaq bacarığı;
- Universitetlərin rəsmi saytları və qəbul platformaları ilə işləmə bacarığı;
- Verilən tapşırığı daimi nəzarət gözləmədən müstəqil şəkildə sona çatdırmaq bacarığı;
- Detallara yüksək diqqət, xüsusilə tarix, deadline, sənəd və qəbul şərtlərində səhvə yol verməmək;
- Eyni anda bir neçə tələbənin müraciət prosesini sistemli idarə etmək bacarığı;
- Güclü planlama və vaxtın idarə edilməsi bacarığı;
- Tələbə və valideynlərlə səbirli, pozitiv və peşəkar ünsiyyət;
- MS Office proqramlarında sərbəst işləmək bacarığı;
- CRM və daxili sistemlərdə məlumatları düzgün aparmaq;
- Öyrənməyə, araşdırmağa və özünü inkişaf etdirməyə həvəs.
Xüsusilə kimi axtarırıq?
- Hazır məlumatı sadəcə tələbəyə ötürən deyil, “Bu tələbə üçün ən doğru variant hansıdır?” sualının cavabını özü araşdırıb tapa bilən əməkdaş axtarırıq.
- Bir universitetin saytında cavabı dərhal tapa bilmədikdə araşdırmanı dayandırmayan, alternativ rəsmi mənbələri yoxlayan, lazım gəldikdə universitetlə yazışan, müxtəlif variantları müqayisə edən və nəticəyə gələn namizəd bizim üçün xüsusilə dəyərlidir.
- Deadline-ı gözləyən deyil, deadline-ı əvvəlcədən görən; problem yarandıqdan sonra həll axtaran deyil, problemi əvvəlcədən müəyyən edən əməkdaş axtarırıq.
- Əgər araşdırma aparmaqdan zövq alırsınızsa, detallara diqqətlisinizsə, məsuliyyəti üzərinizə götürürsünüzsə və müstəqil işləməyi bacarırsınızsa, sizi komandamızda görmək istərdik.
Bu vəzifədə nəyə görə qiymətləndiriləcəksiniz?
- Tələbə müraciətlərinin vaxtında və düzgün icra edilməsi;
- Deadline-ların düzgün izlənilməsi;
- Sənədlərdə səhvlərin minimuma endirilməsi;
- Tələbəyə uyğun universitet və proqramların düzgün müəyyənləşdirilməsi;
- Qəbul proseslərinin nəticəliliyi;
- Tələbə məmnuniyyəti;
- CRM və müraciət statuslarının düzgün aparılması;
- Eyni anda bir neçə müraciətin effektiv idarə edilməsi;
- Problemlərin müstəqil həlli;
- Yeni universitet və proqramların araşdırılması;
- İşin nəticəsinə görə məsuliyyət götürmək.
İş şərtləri
- Vəzifə: Xaricdə Təhsil üzrə Koordinator
- İş rejimi: Tam ştat
- İş yeri: Bakı, ARI Beynəlxalq Təhsil Mərkəzinin ofisi
- Əmək haqqı: 1000 AZN-dən başlayır, namizədin bilik və təcrübəsinə uyğun müəyyən edilir
- Bonus: Nəticəyə əsaslanan bonus sistemi mövcuddur
ARI-də işləməyin üstünlükləri
- ARI-də əməkdaş yalnız gündəlik vəzifələri yerinə yetirmir, həm də beynəlxalq təhsil sahəsində peşəkar kimi inkişaf edir;
- Xarici universitetlər və beynəlxalq təhsil sistemləri ilə birbaşa işləmək imkanı;
- Almaniya, Avstriya və digər Avropa ölkələrinin təhsil sistemi üzrə praktiki təcrübə;
- Daxili təlimlər;
- Peşəkar inkişaf və karyera imkanları;
- Nəticəyə əsaslanan bonus sistemi;
- Dinamik və inkişaf yönümlü iş mühiti;
- ARI daxilində digər təhsil layihələrində iştirak imkanı.
Maraqlanan namizədlər öz CV-lərini Müraciətetdüyməsində qeyd olunan elektron poçt ünvanına göndərə bilərlər. E-mail mövzusunda “Xaricdə Təhsil üzrə Koordinator” yazılması xahiş olunur.
Gələcəyin təhsil yolunu birlikdə qururuq.
