Şirkətimiz Xarici Satınalma Meneceri vəzifəsi üzrə namizəd axtarır. Bu rol, beynəlxalq təchizat zəncirinin idarə edilməsi, idxal proseslərinin koordinasiyası və kommersiya danışıqlarının aparılması kimi məsuliyyətləri əhatə edir. Xarici satınalma sahəsində praktiki təcrübəyə malik, analitik düşüncə tərzi olan mütəxəssislər müraciət edə bilər.
Vəzifə öhdəlikləri
- Xarici təchizatçılarla iş münasibətlərinin qurulması və davamlı idarə edilməsi;
- Satınalma prosesinin mərhələlər üzrə planlaşdırılması, koordinasiyası və həyata keçirilməsi;
- Müxtəlif təchizatçılardan qiymət təkliflərinin toplanması, müqayisəli təhlilinin aparılması;
- Kommersiya müqavilələrinin hazırlanması və danışıqların aparılması;
- İdxal əməliyyatları və logistika proseslərinin idarə edilməsi;
- Gömrük sənədlərinin tərtibinə və prosesin düzgün icrasına nəzarətin həyata keçirilməsi;
- Mövcud bazarın mütəmadi izlənməsi, potensial yeni təchizatçıların aşkarlanması;
- Satınalma fəaliyyətinə dair hesabatların hazırlanaraq rəhbərliyə təqdim edilməsi.
Namizədə olan tələblər
- Xarici satınalma istiqamətində 3-5 il iş təcrübəsi;
- Ali təhsil;
- İngilis dilini işlək səviyyədə bilmək (rus dili biliyi əlavə üstünlük sayılır);
- MS Office proqramları ilə sərbəst işləmə bacarığı;
- Analitik düşüncə tərzi və effektiv ünsiyyət qurma qabiliyyəti;
- Danışıqlar aparmaq və müstəqil qərar vermək bacarığı;
- Məsuliyyətli yanaşma, operativlik və komanda mühitinə uyğunlaşma bacarığı.
İş şəraiti
- İş rejimi: həftədə 5 iş günü;
- Əmək haqqı: müsahibə nəticəsində razılaşma əsasında müəyyənləşdirilir.
Vakansiya aktiv deyil, son elanlara aşağıdan keçid edin
