Xarici satınalma və tender mütəxəssisi

Xarici satınalma və tender mütəxəssisi vakansiyası üzrə müraciətlər qəbul olunur.

Namizədə olan tələblər

• Ali təhsil;
• Satınalma və tender sahəsində minimum 3 il iş təcrübəsi;
• Azərbaycan dilində səlis danışıq, rus və ingilis dillərini yüksək səviyyədə bilmə;
• İncoterms qaydaları barədə biliklər;
• Elektron hökumət portalı ilə işləmə bacarığı;
• Ofis proqramlarından yaxşı istifadə etmək bacarığı;
• Bazar araşdırması aparmaq bacarığı.

Vəzifə öhdəlikləri

• Bazarın təhlil edilməsi, tələb olunan materialların xarici bazarda araşdırılması, təchizatçı bazasının formalaşdırılması və qiymətləndirilməsi;
• Satınalma sifarişlərinin idarə olunması, o cümlədən sifarişin təhlili, yerləşdirilməsi, izlənməsi, hesabatlandırılması və bağlanması;
• Daxili prosedurlara uyğun satınalmanın təşkili, son istifadəçi sorğuları əsasında mal-materialların şirkət və qrup qaydalarına uyğun, vaxtında və sərfəli şəkildə alınması;
• Sifarişçi və ya son istifadəçi ilə texniki və büdcə məsələlərində sıx əməkdaşlıq, mütəmadi görüşlərin keçirilməsi və xərclərin optimallaşdırılması üçün alternativlərin müzakirəsi;
• Təkliflər sorğusunun (RFP) və məlumat sorğusunun (RFI) hazırlanması, təchizatçılara göndərilməsi, təkliflərin toplanması, dəqiqləşdirmələrin və danışıqların aparılması, zərurət olduqda daxili müştərilərin iştirakı ilə görüşlərin təşkili;
• Ən uyğun təklifi müəyyən etmək üçün qiymətlərin, texniki şərtlərin və çatdırılma tarixlərinin müqayisə edilməsi;
• Sifarişlərin dəqiqlik, termin və texniki şərtlər baxımından yoxlanılması;
• Dövlət və kommersiya qurumları tərəfindən elan edilən, şirkətin fəaliyyət sahəsinə uyğun tenderlərin müəyyən edilməsi;
• Tenderin Əsas Şərtlər Toplusunun araşdırılması, şirkətin tələblərə uyğunluğunun ilkin qiymətləndirilməsi, iştirak imkanlarının təhlili və rəhbərliyə məlumat verilməsi;
• Tələb olunan sənədlərin və məlumatların aidiyyəti şöbələrdən toplanması və son müraciət tarixinə qədər düzgün şəkildə təqdim edilməsi;
• Tender sənədlərinin hazırlanması üçün struktur bölmələrlə koordinasiyanın təmin olunması;
• Tender sənədlərinin təhlili zamanı yaranan suallarla bağlı tender keçirən təşkilatlara sorğuların göndərilməsi, yazışmaların və danışıqların aparılması;
• Tender təklifinin hazırlanması və təqdimatdan sonrakı qiymətləndirmə dövründə Tender Komissiyası ilə yazışmaların aparılması, daxil olan suallara vaxtında və düzgün cavab verilməsinin təmin edilməsi;
• Tender prosesi zamanı şirkətin təmsil olunması;
• Tender proseslərinin gedişi və nəticələri üzrə aylıq və illik hesabatların hazırlanması;
• Müqavilələrin hazırlanmasının təşkili, müqavilə və ödəniş şərtlərinin müəyyən edilməsi və nəzarətdə saxlanılması, hesabatların hazırlanması və təqdim edilməsi.

İş şərtlərimiz

• Əmək haqqı: müsahibə əsasında;
• İş qrafiki: tam iş günü, 5 gün;
• İş saatları: 08:30-17:30;
• İş yeri: Bakı, Binəqədi rayonu, Mədən küçəsi 4, “Neptun” marketlə üzbəüz, Baş Dövlət Yol Polisi İdarəsinin yaxınlığı;
• Servis xidməti.

Göstərilən tələblərə uyğun namizədlərdən xahiş olunur ki, CV-lərini mövzu hissəsində “Xarici Satınalma və Tender Mütəxəssisi” qeyd etməklə Müraciət et bölməsində göstərilən elektron poçt ünvanına göndərsinlər.