Bakı şəhərində xarici satınalmalar üzrə mütəxəssis vakansiyası üzrə namizəd axtarılır. Əgər təchizat, logistika və beynəlxalq ticarət sahəsində təcrübəniz varsa, müraciət edə bilərsiniz.
Tələblər
- Xarici satınalma və təchizat istiqamətində iş təcrübəsi olmalıdır; texniki bilik, avadanlıq, elektrik və elektronika məhsulları, həmçinin onların ehtiyat hissələrinin alışı üzrə təcrübə və beynəlxalq ticarətin əsaslarını bilmək tələb olunur;
- İngilis və rus dillərində yazılı və şifahi ünsiyyət bacarığı yüksək olmalıdır;
- İşgüzar davranış qaydalarına əməl etmək, dəqiq olmaq və vaxtdan səmərəli istifadə etmək bacarığı;
- MS Office proqramlarında işləmə bacarığı;
- Bazar araşdırması və təhlili aparmaq qabiliyyəti;
- Məsuliyyətli olmaq, qərar vermək, problem həll etmək, planlaşdırmaq, təşkil etmək və komandada işləmək bacarığı;
- Güclü kommunikasiya və işgüzar ünsiyyət bacarığı.
Vəzifə öhdəlikləri
- Təchizatçılarla əlaqələrin qurulması və işgüzar münasibətlərin saxlanılması;
- Satınalma sənədlərinin hazırlanması;
- Satınalma müqavilələrinin hazırlanması;
- Logistika prosesinin təşkil edilməsi və izlənməsi;
- Tədarükçü şirkətlərdən qiymət təkliflərinin toplanması və müqayisə edilməsi;
- Ölkə xaricindən alınan mallar üzrə sifarişlərin verilməsi, yüklənmənin və ölkəyə çatdırılmanın təşkil olunması;
- Xarici bazar təkliflərinin müqayisəli şəkildə araşdırılması;
- Xarici və daxili ezamiyyətlərə getməyə hazır olmaq;
- Malların maya dəyərinin hesablanması, müqavilələrin yoxlanılması, satınalma əməliyyatlarının qaydalara uyğun icrası, sənədləşmə, sertifikatların alınması, mədaxil və ödəniş planlarının hazırlanmasına nəzarət;
- Qaytarma hallarında geri qaytarma sənədlərinin və iddia aktlarının hazırlanması;
- Satınalma müqavilələrinin hazırlanması, aidiyyəti strukturlarla razılaşdırma aparılması və yekun təsdiqlənmiş formada tədarükçülərlə müqavilə bağlanması;
- Sifarişin qiyməti, təslim müddəti və çatdırılma şərtləri alındıqdan sonra qiymət araşdırmasının nəticələrinə əsasən sifariş məlumatlarının hazırlanması və rəhbərə təqdim edilməsi;
- Razılaşdırılmış sifarişin aidiyyəti strukturlara və tədarükçüyə göndərilməsi;
- Sifariş verilən malın spesifikasiyasına uyğun fakturanın tələb edilməsi, göndərilən fakturanın yoxlanılması, alt sənədlərlə birlikdə təsdiq üçün rəhbərə təqdim olunması və təsdiqdən sonra mühasibatlığa ötürülməsi;
- Ödəniş həyata keçirildikdən sonra məlumatın tədarükçüyə göndərilməsi, yüklənmə ilə bağlı məlumatların alınması və sifarişlərin müqavilə şərtlərinə uyğun icrasına nəzarət edilməsi;
- Göndərməni gecikdirən tədarükçülərdən gecikmə səbəblərinin öyrənilməsi, rəhbərə məlumat verilməsi və verilən göstərişə uyğun tədbirlərin görülməsi.
Dəyərlərimiz
- İnkişaf etmək və davamlı öyrənmək istəyi
- Qayğı göstərmək və kömək etmək istəyi
- Dürüstlük və ədalətli mübadilə
Seçim mərhələləri
- CV mərhələsi — namizədin təcrübəsinin uyğunluğu qiymətləndirilir
- Üz-üzə müsahibə — tanışlıq və qarşılıqlı təqdimat mərhələsi
- Rəhbərlə müsahibə
Şərtlər
- İş qrafiki: həftədə 5 gün, 08:30-dan 17:30-dək;
- Rəsmiləşdirmə AR qanunvericiliyinə uyğun aparılır.
Yuxarıda qeyd olunan tələblər sizə uyğundursa, müraciət etməyiniz xahiş olunur. CV-nizi “Müraciət et” düyməsində göstərilən keçid vasitəsilə göndərin.
