Şirkətimiz Xarici Satınalma Mütəxəssisi vəzifəsi üzrə namizəd axtarır. Bu rol, texniki avadanlıq, elektrik və elektronik mallar üzrə beynəlxalq satınalma proseslərinin idarə edilməsini, tədarükçülərlə əlaqələrin qurulmasını və logistikanın təşkilini əhatə edir. Bakıda çalışmaq istəyən, xarici ticarət sahəsində təcrübəsi olan mütəxəssislər müraciət edə bilər.
Tələblər
- Xarici satınalma və təchizat sahəsində iş təcrübəsi: texniki bilik, avadanlıq, elektrik və elektronik mallar həmçinin ehtiyat hissələrinin alışı təcrübəsi və beynəlxalq ticarətin əsaslarını bilmək vacibdir
- İngilis və Rus dillərində güclü yazılı və şifahi ünsiyyət bacarığı
- İşgüzar etika qaydalarına riayət etmək, punktuallıq və vaxt idarəetməsi
- MS Office proqramları ilə işləmək bacarığı
- Bazar təhlili aparmaq qabiliyyəti
- Məsuliyyətlilik, qərar qəbulu, problem həlli, planlaşdırma, təşkilatçılıq və komanda işi bacarıqları
- Güclü kommunikasiya və biznes ünsiyyət bacarıqları
Vəzifə Öhdəlikləri
- Yerli və xarici tədarükçülərlə iş əlaqələrinin qurulması və inkişaf etdirilməsi
- Satınalma sənədlərinin və müqavilələrinin hazırlanması
- Logistika proseslərinin təşkili və icrasının izlənməsi
- Tədarükçü şirkətlərdən qiymət təkliflərinin toplanması və müqayisəli təhlilinin aparılması
- Xaricdən sifariş olunan malların yerləşdirilməsi, yüklənməsi və ölkəyə gətirilməsinin təşkili
- Xarici bazar təkliflərinin müqayisəsi və qiymətləndirilməsi
- Yerli və xarici ezamiyyətlərə getməyə hazır olmaq
- Malların maya dəyərinin hesablanması, müqavilələrin yoxlanılması, satınalma əməliyyatlarının müvafiq qaydalara uyğun həyata keçirilməsi, sertifikatların alınması, mədaxillərin və ödəmə planlarının hazırlanmasına nəzarət
- Malların qaytarılması hallarında müvafiq sənədləşmənin və iddia aktlarının icrasının təmin edilməsi
- Satınalma müqavilələrinin hazırlanması, aidiyyəti struktur bölmələrlə müzakirə aparılması və yekun təsdiqlənmiş formada tədarükçülərlə müqavilənin bağlanması
- Sifariş məlumatlarının — qiymət, çatdırılma müddəti və şərtlər daxil olmaqla — toplanması, qiymət araşdırmasının aparılması və nəticənin rəhbərliyə təqdim edilməsi
- Razılaşdırılmış sifarişin müvafiq struktur bölmələrə və tədarükçüyə ötürülməsi
- Mal spesifikasiyasına uyğun fakturanın tələb edilməsi, alınan fakturanın yoxlanılması, əlavə sənədlərlə birlikdə rəhbərə təsdiq üçün təqdim edilməsi və ödəniş üçün mühasibatlığa göndərilməsi
- Ödəniş həyata keçirildikdən sonra bu barədə tədarükçüyə məlumat verilməsi, yükləmə məlumatlarının alınması və sifarişlərin müqavilə şərtlərinə uyğun göndərilməsinə nəzarət edilməsi
- Çatdırılmanı gecikdirən tədarükçülərdən gecikmənin səbəblərinin öyrənilməsi, rəhbərliyə məlumat verilməsi və verilən göstərişlər əsasında lazımi tədbirlərin görülməsi
Dəyərlərimiz
- İnkişafa və davamlı öyrənməyə istək
- Qayğı göstərmək və kömək etməyə hazır olmaq
- Dürüstlük və ədalətli münasibət
Seçim Mərhələləri
- CV mərhələsi — namizədin təcrübəsinin vəzifə tələblərinə uyğunluğu qiymətləndirilir
- Üz-üzə müsahibə — qarşılıqlı tanışlıq və şirkətin namizədə özünü təqdim etməsi
- Rəhbərlə müsahibə
İş Şərtləri
- İş qrafiki: həftənin 5 günü, saat 08:30–17:30
- Rəsmiləşdirmə: Azərbaycan Respublikasının əmək qanunvericiliyinə uyğun
Yuxarıda göstərilən şərtlər sizə uyğundursa, müraciət etmək üçün «Müraciət et» düyməsindəki linkdən istifadə edin.
