Android (Jetpack Compose) üzrə Middle Developer

İnnovasiya və Rəqəmsal İnkişaf Agentliyi dövlət xidmətlərinin mobil platformalar vasitəsilə təqdim edilməsi istiqamətindəki işləri genişləndirmək məqsədilə Android Middle Developer (Jetpack Compose) vəzifəsi üzrə namizəd axtarır. Bu rol rəqəmsal ekosistem daxilində Android tətbiqlərin inkişafına birbaşa töhfə vermək imkanı təqdim edir.

Vəzifənin Əsas Məsuliyyətləri

• Kotlin və Jetpack Compose istifadə edərək Android tətbiqlərin hazırlanması;
• Mövcud arxitektura prinsiplərinə uyğun olaraq kod bazasının sabitliyinin qorunması;
• Proqramlaşdırma prosesində süni intellekt (AI) alətlərindən istifadə edilməsi;
• Git versiya idarəetmə sistemi vasitəsilə kod versiyalarının idarə olunması;
• Proqram təminatının uzunmüddətli dayanıqlılığının təmin edilməsi;
• Məhsul sahibləri, İT Biznes Analitiklər, Dizaynerlər və digər krosfunksional komanda üzvləri ilə birgə iş;
• Komanda daxilində texnoloji trendlərin müəyyənləşdirilməsi və yeniliklərin izlənilməsi.

Tələblər

Biznes və Ümumi Bacarıqlar

• Android sahəsində 2-4 il real iş təcrübəsi;
• Texniki tapşırıqların müəyyən edilmiş keyfiyyət və vaxt çərçivəsində yerinə yetirilməsi bacarığı;
• Texniki qərarların biznes məqsədlərinə və istifadəçi təcrübəsinə (UX) təsirini dəyərləndirmək bacarığı;
• Dizayn, product və backend komandaları ilə effektiv ünsiyyət qurmaq və Agile metodologiyasına uyğun işləmək bacarığı;
• Problemlərin analitik yanaşma ilə təhlili.

Texniki Bacarıqlar

• Kotlin dilində güclü bilik;
• Jetpack Compose ilə UI komponentlərinin qurulmasında praktiki təcrübə;
• AI alətlərindən (Gemini, Claude Code, GitHub Copilot, Cursor, ChatGPT və s.) iş məhsuldarlığını artırmaq məqsədilə effektiv istifadə bacarığı;
• MVVM arxitekturası ilə işləmə bacarığı;
• Kotlin Coroutines və Flow vasitəsilə asinxron əməliyyatların idarəsi;
• Hilt ilə dependency injection təcrübəsi;
• Retrofit vasitəsilə REST API inteqrasiyası;
• Git alətlərindən istifadə bacarığı;
• Postman və analoji API test alətləri ilə iş təcrübəsi;
• Dizayn patternləri üzrə möhkəm bilik;
• OOP və SOLID prinsipləri əsasında təmiz, oxunaqlı və optimallaşdırılmış kod yazmaq bacarığı.

Üstünlük Verilən Bilik və Bacarıqlar

• Unit testlər və UI testlərinin yazılmasında təcrübə;
• Room ilə lokal verilənlər bazası idarəetməsi;
• OpenTelemetry və ya Elastic APM kimi monitorinq alətləri ilə tanışlıq;
• CI/CD prosesləri (GitLab Runner, Fastlane) haqqında əsas biliklər;
• Firebase ilə işləmə bacarığı.