PMIS MMC Bakı üzrə Backend Developer Intern (java, spring boot, nestjs) təcrübə proqramına müraciət qəbul edir. Proqramlaşdırma sahəsində inkişaf etmək və peşəkar komandada təcrübə toplamaq istəyən namizədlər üçün nəzərdə tutulub.
İşin formatı və məkan
İş formatı: Tam ştat (təcrübə proqramı)
Ünvan: Bakı şəhəri, Cəlil Məmmədquluzadə küç. 102A, City Point İş Mərkəzi (AZ1022)
Vəzifə öhdəlikləri
- Mentorun istiqamətləndirməsi ilə backend sistemlərinin hazırlanmasında iştirak etmək;
- Java (Spring Boot) və ya NestJS əsasında REST API-lərin qurulmasına kömək göstərmək;
- Verilənlər bazası ilə işləmək və mövcud funksionallığın təkmilləşdirilməsinə dəstək vermək;
- Bug-ların aradan qaldırılmasında və kodun optimallaşdırılmasında iştirak etmək;
- Git və AI əsaslı inkişaf alətlərindən (Claude, Codex və s.) istifadə edərək proqram təminatının hazırlanmasına yardım etmək.
Namizədə tələblər
- Kompüter Elmləri, İnformasiya Texnologiyaları və ya əlaqəli sahə üzrə təhsil alan, yaxud yeni məzun namizədlər;
- Java (Spring Boot üstünlükdür) və ya NestJS üzrə əsas biliklər;
- OOP və REST API anlayışı;
- SQL verilənlər bazaları ilə işləməyin əsaslarını bilmək;
- Git ilə işləmə bacarığı;
- Analitik düşüncə, məsuliyyətlilik və öyrənməyə yüksək maraq;
- Texniki sənədləri oxuma səviyyəsində ingilis dili biliyi üstünlükdür.
Biz nə təklif edirik
- Real kommersiya layihələrində praktik təcrübə;
- Təcrübəli mentorlarla işləmək imkanı;
- Müasir backend texnologiyaları və AI alətləri ilə iş təcrübəsi;
- Uğurlu namizədlər üçün staj proqramından sonra daimi iş imkanı;
- Rahat və peşəkar iş mühiti.
Müraciət qaydası
CV-nizi, varsa GitHub hesabınızı, portfolio və ya layihələrinizi mövzu hissəsində Backend Developer Intern qeyd etməklə Müraciət et düyməsində göstərilən elektron poçt ünvanına göndərin.
