İnformasiya təhlükəsizliyi departamentində təcrübəçi axtarılır.
Əsas vəzifələr
Bu vəzifədə aşağıdakı işlərə cəlb olunacaqsınız:
- Şəbəkələr, veb və mobil tətbiqlər, həmçinin API-lər üzrə sızma testlərinin planlanması və icrasında iştirak etmək;
- SAST və DAST alətləri ilə tətbiqlərin və mənbə kodunun təhlükəsizlik baxımından analizini aparmaq;
- Zəifliklərin müəyyən edilməsi, qiymətləndirilməsi, prioritetləşdirilməsi və aradan qaldırılması prosesində iştirak etmək;
- CVSS əsasında risk səviyyələrinin qiymətləndirilməsinə dəstək vermək və aradan qaldırma prosesini izləmək;
- Aşkarlanan zəifliklər üzrə texniki hesabatların və tövsiyələrin hazırlanmasına kömək etmək;
- Red Team fəaliyyətlərində, sosial mühəndislik məşqlərində və phishing simulyasiyalarında iştirak etmək;
- Aradan qaldırılmış zəifliklər üzrə təkrar yoxlamalar aparmaq;
- OWASP, PTES və NIST kimi təhlükəsizlik standart və metodologiyalarını tətbiq etmək.
Peşəkar profil
- İnformasiya texnologiyaları, kibertəhlükəsizlik və ya əlaqəli sahə üzrə ali təhsil;
- Pentest və informasiya təhlükəsizliyi üzrə ilkin biliklər;
- OWASP Top 10, veb tətbiq zəiflikləri və şəbəkə təhlükəsizliyi barədə anlayış;
- SAST/DAST alətləri və geniş istifadə olunan pentest alətləri ilə tanışlıq;
- Linux və Windows əməliyyat sistemləri barədə bilik;
- Python, Bash və ya PowerShell dillərindən ən azı biri üzrə baza bilikləri;
- İngilis dili orta səviyyədə;
- Müvafiq sertifikatlar, DevSecOps, CTF yarışları və ya bug bounty təcrübəsi üstünlük sayılır.
Şəxsi keyfiyyətlər
- Güclü analitik düşüncə və problem həll etmə bacarığı;
- Texniki məlumatı aydın və səlis şəkildə çatdırmaq bacarığı;
- Etik prinsiplərə və məxfilik tələblərinə ciddi yanaşma;
- Komandada səmərəli işləmək və daim öyrənməyə açıq olmaq.
Müraciət qaydası
İlkin seçim meyarlarına uyğun gələn namizədlərlə əlaqə saxlanılacaq.
Maraqlanan şəxslər “Müraciət et” düyməsində göstərilən link vasitəsilə müraciət edə bilərlər.
