IT HelpDesk mütəxəssisi

Xırdalanda IT HelpDesk mütəxəssisi axtarılır. Helpdesk dəstəyi, Windows, Microsoft 365, Active Directory və ERP sistemləri ilə iş üzrə vakansiyadır.

Əsas tələblər

• Ali təhsil; ali və ya orta ixtisas təhsili (İT, kompüter elmləri, mühəndislik) üstünlükdür, İT üzrə bakalavr dərəcəsi daha məqsədəuyğundur;
• Azərbaycan dili əla səviyyədə, rus və ingilis dilləri orta səviyyədə olmalıdır;
• Helpdesk və ya texniki dəstək sahəsində azı 1–2 il iş təcrübəsi; istehsalat, FMCG və ya distribusiya şirkətində təcrübə üstünlük sayılır;
• Windows 10/11-in quraşdırılması, sazlanması və nasazlıqların aradan qaldırılması bacarığı;
• Kompüter avadanlıqları, printer, MFP və digər periferiya qurğuları ilə işləmə təcrübəsi;
• Microsoft 365 üzrə biliklər: Outlook, Teams, OneDrive və Exchange Online admin əsasları;
• Active Directory ilə işləmək: istifadəçi, qrup və parol idarəetməsi, GPO anlayışı;
• Şəbəkə əsasları: TCP/IP, DHCP, DNS, Wi-Fi və VPN;
• Tiket sistemi ilə iş təcrübəsi, məsələn GLPI, Jira SM, Freshservice və ya ClickUp;
• 1C / Mikro ERP-ni istifadəçi səviyyəsində bilmək;
• Barkod skanerləri, etiket printerləri (Zebra və s.), TSD və mobil terminallarla işləmə bacarığı;
• Android cihazların MDM vasitəsilə idarə olunması və SFA mobil tətbiqləri ilə iş;
• PowerShell və ya digər skriptlərlə sadə avtomatlaşdırma bacarığı;
• Antivirus, EDR konsolları və ehtiyat nüsxə əsasları barədə biliklər.

Əsas vəzifə və öhdəliklər

• Telefon, e-poçt və tiket sistemi vasitəsilə daxil olan müraciətləri qəbul etmək, qeydiyyata almaq və prioritetləşdirmək;
• L1/L2 səviyyəli problemləri həll etmək, həll edilə bilməyən sorğuları müvafiq komandaya, yəni İnfrastruktur və ya ERP üzrə eskalasiya etmək;
• İstifadəçini müraciətin statusu barədə məlumatlandırmaq və həll olunduqdan sonra tiketi bağlamaq;
• İş yerlərinin və avadanlıqların dəstəyini təmin etmək;
• Kompüter, noutbuk, printer, skaner, barkod oxuyucu, etiket printeri və mobil cihazların quraşdırılması və nasazlıqlarının aradan qaldırılması;
• Windows əməliyyat sisteminin və ofis proqramlarının quraşdırılması, yenilənməsi və konfiqurasiyası;
• Yeni əməkdaşlar üçün iş yerinin hazırlanması, işdən ayrılanlar üçün avadanlığın təhvil alınması;
• Active Directory və Microsoft 365 hesablarının yaradılması, parol sıfırlanması, qrup və giriş hüquqlarının təsdiqlənmiş sorğu əsasında idarə edilməsi;
• Poçt qutuları, paylaşılan qovluqlar və VPN girişləri ilə bağlı dəstək göstərmək;
• Biznes proqramlarında L1 dəstək vermək;
• 1C ERP, Mikro ERP, Tinda SFA və ClickUp istifadəçilərinə əsas səviyyədə yardım göstərmək, o cümlədən giriş, çap, qoşulma və sadə istifadə sualları;
• Funksional və verilənlər bazası ilə bağlı məsələləri ERP komandasına yönləndirmək;
• İT aktivlərinin uçotunu aparmaq;
• Avadanlıq və lisenziyaların inventar reyestrini aktual saxlamaq;
• Təhvil-təslim aktlarını hazırlamaq, ehtiyat hissələri və sərf materiallarına, o cümlədən kartriclərə nəzarət etmək;
• Tez-tez rast gəlinən problemlər üçün təlimatlar və bilik bazası məqalələri hazırlamaq;
• Həftəlik və aylıq helpdesk hesabatlarını tərtib etmək;
• İş yerlərində antivirus, yeniləmə və ehtiyat nüsxə siyasətlərinin tətbiqinə nəzarət etmək;
• Şübhəli hadisələr, o cümlədən fişinq və virus hallarını dərhal rəhbərə bildirmək;
• Rəhbərin verdiyi digər əlaqəli tapşırıqları yerinə yetirmək.

Təklif etdiyimiz

• Motivasiyaedici və dəstəkləyici iş mühiti;
• Tibbi sığorta;
• Rahat və stabil iş şəraiti;
• Nahar təminatı;
• Korporativ nömrə.

İş şəraiti

• İş rejimi: 09:00–18:00, 5 günlük iş həftəsi;
• Ünvan: Həsən Əliyev küçəsi 38, Xırdalan, Azərbaycan;
• Əmək haqqı: müsahibə əsasında.

CV-lərinizi “IT Helpdesk Mütəxəssisi” başlığı ilə Müraciət et düyməsində qeyd olunan elektron poçt ünvanına göndərə bilərsiniz.