Kampus ərazisinin yaşıllaşdırılması və abadlaşdırılması istiqamətində fəaliyyət göstərəcək Bağban vəzifəsi üzrə işçi axtarılır. Müvafiq sahədə təcrübəsi olan, fiziki cəhətdən hazır və məsuliyyətli namizədləri müraciət etməyə dəvət edirik.
Vəzifə Öhdəlikləri
- Təyin edilmiş ərazidə yaşıllaşdırma işlərinin aparılması, ağacların və digər bitki növlərinin müntəzəm qulluğunun təmin edilməsi;
- Tinglərin, qələmlərin, ağacların, kolların və çiçəklərin əkilməsi, mineral gübrələrin tətbiqi və bitkilərə lazımi qulluğun göstərilməsi;
- Əkmə üçün çalaların hazırlanması, bitkinin yerləşdirilməsindən sonra torpağın doldurulması, dibinin yumşaldılması və suvarma işlərinə nəzarət edilməsi;
- Qazonlarda çəmən biçilməsi, bağ yolları boyunca ağac və kol budaqlarının kəsilməsi, torpağın sıxlaşdırılması kimi sahə işlərinin icra edilməsi;
- Yaşıllaşdırılacaq sahələrdə rəsm və eskizlərə uyğun olaraq qazonların, klumbların və açıq sahələrin bədii tərtibatının həyata keçirilməsi;
- Gündəlik iş prosesində ortaya çıxan əlavə tapşırıqların və birbaşa rəhbər tərəfindən verilən digər aidiyyatlı işlərin yerinə yetirilməsi.
Namizədə Olan Tələblər
- Bağbanlıq və yaşıllaşdırma sahəsində nəzəri bilik və praktiki bacarıqlar;
- Bağbanlıq üzrə ən azı 1-2 il iş təcrübəsi;
- Dəqiqlik, məsuliyyət hissi və detallara yönəlik diqqət;
- Sahə işlərini yerinə yetirmək üçün lazımi fiziki hazırlıq səviyyəsi;
- Komanda mühitində səmərəli işləmək bacarığı.
Vakansiya aktiv deyil, son elanlara aşağıdan keçid edin
