Baş mühasib – beton-tikinti istehsalı üzrə

Qarabağ üçün baş mühasib vakansiyası üzrə müraciətlər qəbul olunur. Beton-tikinti istehsalı sahəsində mühasibat uçotu, vergi hesabatları və maliyyə nəzarəti üzrə peşəkar mütəxəssis axtarılır.

Vəzifə öhdəlikləri

• Müəssisədə aparılan bütün əməliyyatların Azərbaycan Respublikasının mövcud əmək, vergi və digər qanunvericilik aktlarına uyğun şəkildə təşkilinə nəzarət etmək;
• Maliyyə hesabatlarını, o cümlədən balans, mənfəət və zərər, pul vəsaitlərinin hərəkəti hesabatlarını hazırlamaq;
• Əməliyyatların mühasibat uçotu hesablarında və mühasibat registrlərində düzgün əks etdirilməsinə nəzarət etmək, operativ məlumatları təqdim etmək, mühasibat və maliyyə hesabatlarını müəyyən edilmiş müddətlərdə tərtib edib təqdim etmək;
• Mal hərəkətinin uçotunu və inventarizasiyanı aparmaq, kassa qalığını və ƏDV depozit hesabı qalıqlarını nəzarətdə saxlamaq, mühasibat proqramında operativ uçot üçün müvafiq müxabirləşmələri həyata keçirmək;
• Müəssisənin aktiv və passivlərinin, o cümlədən debitor və kreditor borcların, nağd vəsaitlərin, mal qalığının, vergi öhdəliklərinin, gəlir və xərclərin uçotunu aparmaq;
• Əmək haqqı, ezamiyyə və son haqq-hesabların hesablanmasına və ödənilməsinə nəzarət etmək, onların düzgün hesablarda əks olunmasını təmin etmək;
• ƏDV, Əmlak, ÖMV, Mənfəət, Vahid bəyannamələrini və statistika hesabatlarını hazırlamaq, aidiyyəti orqanlara göndərmək;
• Qanunvericiliklə müəyyən edilmiş müddətlərdə mühasibat və vergi hesablamaları üçün zəruri sənədlərin, eləcə də alış, satış və vergi ödənişlərini təsdiq edən sənədlərin saxlanılmasını təmin etmək;
• Rəhbərliyin verdiyi tapşırıqları vaxtında və dəqiq şəkildə yerinə yetirmək;
• Müəssisənin vergi risklərini hesablamaq və bu barədə rəhbərliyə vaxtında hesabat təqdim etmək.

İş şəraiti

• İş qrafiki: Bazar ertəsi – Cümə 09:00-dan 18:00-dək, Şənbə 09:00-14:00-dək;
• Əmək haqqı: Razılaşma yolu ilə;
• Korporativ nömrə və korporativ paket təqdim olunur.

Tələblər

• Ali təhsil, maliyyə və ya mühasibatlıq sahəsi üzrə;
• PMS sertifikatı mütləqdir;
• Müvafiq sahədə minimum 5 il iş təcrübəsi;
• Vergi qanunvericiliyi və mühasibat uçotu üzrə yüksək biliklər;
• 1C 8.3 mühasibat proqramında sərbəst işləmək bacarığı;
• İdarəçilik, təşkilatçılıq, təqdimat və analitik düşüncə bacarıqları;
• Azərbaycan Respublikası NK-nın mühasibat uçotuna aid qərar və fərmanlarını bilməli və mütəmadi izləməlidir.

Müraciət qaydası

Maraqlanan şəxslər CV-lərini mövzu hissəsində “Baş mühasib” qeyd etməklə Müraciət et düyməsində göstərilən elektron ünvanına göndərə bilərlər.

Əlaqə nömrəsi: 994502657598