Böyük mühasib

Vəzifə öhdəlikləri

• Müəssisədə aparılan əməliyyatların Azərbaycan Respublikasının Əmək, Vergi və digər qanunvericiliyinə uyğunluğuna nəzarət etmək
• Mal hərəkətinin uçotu və inventarizasiyası, kassa qalığı və ƏDV depozit hesabının qalıqlarına nəzarət etmək, mühasibat proqramında operativ uçotu üçün müvafiq müxabirləşmələri həyata keçirmək
• Müəssisənin aktiv və passivlərinin, debitor və kreditor borcların, nağd vəsaitlərin, mal qalığının, vergi öhdəliklərinin, gəlir və xərclərin uçotunu aparmaq
• Xarici və daxili hesabatları internet bankinq vasitəsilə idarə etmək
• Əmək haqqı, ezamiyyə və son haqq hesablamalarının düzgün aparılmasına və müvafiq hesablarda əks olunmasına nəzarət etmək
• ƏDV, Əmlak, ÖMV, Mənfəət, Vahid bəyannamələrini və Statistika hesabatlarını hazırlayaraq aidiyyatı orqanlara göndərmək
• Qanunvericilikdə müəyyən edilmiş müddətlər ərzində vergilərin hesablanması və ödənilməsi üçün lazımi sənədləri, həmçinin alış, satış və vergi ödənişlərini təsdiq edən sənədləri qoruyub saxlamaq
• Müəssisənin vergi risklərini hesablamaq və bu barədə rəhbərliyə vaxtında hesabat təqdim etmək
• Rəhbərliyin tapşırıqlarını dəqiq və vaxtında yerinə yetirmək

Namizədə tələblər

• Təhsil: Maliyyə və ya mühasibatlıq sahəsi üzrə ali təhsil
• İş təcrübəsi: Müvafiq sahədə minimum 5 il
• Vergi qanunvericiliyi və mühasibat uçotu sahəsində güclü nəzəri və praktiki biliklər
• 1C 8.3 mühasibat proqramında sərbəst işləmə bacarığı
• İdarəçilik, təşkilatçılıq, təqdimat və analitik düşüncə qabiliyyəti
• Yüksək səviyyədə kompüter bilikləri
• Komanda ilə işləmə, məsuliyyət və müstəqil qərar vermə bacarığı
• Yüksək ünsiyyət qabiliyyəti və təşəbbüskarlıq
• PMS sertifikatı olan namizədlərə üstünlük veriləcək

Müraciət qaydası

Maraqlanan namizədlərdən CV-lərini elektron poçt vasitəsilə göndərmələri xahiş olunur. Məktubun mövzu sətrində «Böyük mühasib» qeyd edilməlidir.