Çağrı mərkəzi operatoru

Bakı şəhərində fəaliyyət göstərən Fintech şirkəti Müştəri Xidmətləri şöbəsi üçün tam iş günü rejimində çalışacaq əməkdaş axtarır. Şirkət müasir idarəetmə anlayışına və mehriban iş mühitinə sahib olmaqla, əməkdaşlarına özlərini inkişaf etdirmək üçün əlverişli şərait yaradır.

İş Şəraiti

• Tam iş günü
• Müştəri xidmətləri şöbəsi
• Bakı

Vəzifə Öhdəlikləri

• Şirkətin məhsul və xidmətləri barədə müraciət edən müştərilərə ətraflı məlumat vermək, onların suallarını ən münasib şəkildə cavablandırmaq və müştəriyə yüksək keyfiyyətli xidmət təqdim edərək doğru seçim etdiklərinə inamlarını möhkəmləndirmək.
• Daxil olan zəngləri vaxtında qarşılamaq, müştərilərlə biznes etikası normalarına və müəyyən edilmiş “Script”ə uyğun olaraq — mehriban, səbirli, sakit və nəzakətli münasibət çərçivəsində ünsiyyət qurmaq; gərginlik, narazılıq və ya mübahisəli vəziyyətlər yarandıqda isə müştərini tam şəkildə məlumatlandıraraq sakit şəkildə vəziyyəti idarə etmək.
• Müştəri sorğularını, şikayətlərini və iddialarını sonrakı araşdırma üçün düzgün şəkildə qeydə almaq və müvafiq şöbələrə vaxtında yönləndirmək.
• Müştərilərin üzləşdiyi problemləri öz səlahiyyət həddində həll etmək.
• Müştərilərə şəxsi kabinet əməliyyatları, kart hesabları və IBAN məlumatları ilə bağlı lazımi konsultasiya və məlumat dəstəyi göstərmək.

Tələblər

• Təhsil: Orta ixtisas, natamam ali və ya ali təhsil;
• Dil bilikləri: Azərbaycan dilini sərbəst bilmək; rus dili bilikləri üstünlük sayılır;
• Təcrübə: Eyni sahədə minimum 6 aylıq iş təcrübəsi (arzuolunandır);
• Kompüter bilikləri: MS Office proqramları — Word, Excel, Outlook;
• Şəxsi keyfiyyətlər: Fikirləri aydın və ardıcıl ifadə etmə qabiliyyəti, səlis və anlaşıqlı nitq tərzi, kompüter ilə çevik işləmə bacarığı.

İmtiyazlar

• Sürətlə böyüyən Fintech şirkətinin komandası ilə çalışmaq imkanı;
• Müasir idarəetmə strukturu və dostcanlı iş kollektivi;
• Bilik və bacarıqlarını nümayiş etdirmək, peşəkar inkişaf üçün rahat iş mühiti;
• Tibbi sığorta (işə başlamaqdan 3 ay sonra);
• Limitsiz qəhvə imkanı;
• Müntəzəm team building tədbirləri.

İş Vaxtı və Əmək Haqqı

• İş rejimi: 3 növbəli iş qrafiki — 09:00–18:00, 10:00–19:00 və ya 11:00–20:00;
• Əmək haqqı: Aylıq 500 AZN sabit (net) + 550 AZN KPI bonusu;
• Ünvan: Bakı şəhəri, Xətai rayonu, “Demirchi Tower” Biznes Mərkəzi.