Sinteks Şirkətlər Qrupu Bakıda CCTV Texnik vəzifəsi üzrə namizəd axtarır. Bu rol şirkətin müxtəlif obyektlərində video müşahidə, audio, giriş-çıxışa nəzarət və antioğurluq sistemlərinin fasiləsiz fəaliyyətini təmin etməyi əhatə edir. Müraciət edəcək namizədlərdən xahiş olunur ki, CV-lərində aşağıda qeyd olunan bilik və təcrübələri açıq şəkildə əks etdirsinlər.
Vəzifə Öhdəlikləri
Texniki Dəstək və Profilaktik Xidmət
- CCTV, audio, giriş-çıxışa nəzarət, antioğurluq və turniket sistemlərinin stabil işləməsinin təmin edilməsi.
- Sistemlər üzrə müntəzəm monitorinqin aparılması, planlı texniki baxışların keçirilməsi və nasazlıqların operativ aradan qaldırılması.
Kabel və İnfrastruktur İşləri
- Mağazalarda şəbəkə, audio və analoq kamera kabellərinin çəkilişinin icra edilməsi.
- Patch panellərin montajı, kommunikasiya şkafları və qutularının quraşdırılması, həmçinin texniki xidmətin göstərilməsi.
Layihələndirmə və Keyfiyyətə Nəzarət
- Layihə cizgilərinə uyğun olaraq zəif axın sistemlərinin quraşdırılmasında iştirak edilməsi.
- Zəif axın sistemlərinin keyfiyyətinin yoxlanılması məqsədilə sahə baxışlarının keçirilməsi.
- Layihələrdə istifadə üçün seçilmiş avadanlıqların uyğunluğunun layihəçi ilə birgə yoxlanılması.
Qeydiyyat və Hesabatlıq
- Daxil olan müraciətlərin müvafiq proqram təminatında qeydiyyata alınması.
- Sorğuların müəyyən edilmiş müddətlər daxilində icrasının təmin edilməsi və nəticələr barədə aidiyyəti tərəflərə məlumat verilməsi.
- Görülmüş işlər və tamamlanmış layihələr üzrə müntəzəm və yekun hesabatların hazırlanıb təqdim edilməsi.
Tələblər
Peşəkar Biliklər
- CCTV, IP və analoq kameralar, DVR/NVR avadanlıqları və video müşahidə sistemlərinin quraşdırılması, sazlanması və texniki dəstəyi üzrə praktiki iş təcrübəsi. (CV-də bu sahələr üzrə təcrübə göstərildikdə tələb qarşılanmış sayılır.)
- Zəif axın sistemləri, LAN/WLAN, IP şəbəkələr, router, access point, patch panel və kabel infrastrukturu üzrə bilik və bacarıqlar. (CV-də müvafiq quraşdırma və ya sazlama təcrübəsi əks olunduqda tələb qarşılanmış sayılır.)
- Audio və ya AV avadanlıqlarının quraşdırılması və sazlanması sahəsində praktiki bilik və ya iş təcrübəsi.
- CompTIA A+, CCNA və ya analoji IT/şəbəkə sertifikatları arzuolunandır.
- Rus dili: A2 və ya daha yüksək səviyyə.
Təhsil
- İnformasiya texnologiyaları, telekommunikasiya, elektronika və ya əlaqəli texniki sahə üzrə ali və ya orta-ixtisas təhsili.
İş Təcrübəsi
- CCTV, video-audio sistemlər, giriş-çıxışa nəzarət, zəif axın və ya şəbəkə infrastrukturu sahələrindən birində minimum 1 il iş təcrübəsi.
Peşəkar Bacarıqlar
- Analitik düşüncə və problem həlli qabiliyyəti.
- Vaxtın səmərəli idarə edilməsi.
- Dəyişən iş şəraitinə uyğunlaşma bacarığı.
Müraciət
Vakansiya ilə maraqlanan namizədlər elanda göstərilən “Müraciət et” düyməsinə klikləyərək ərizələrini təqdim edə bilərlər.
