“Nardaran İnvest” MMC-nin Tikinti Planlama Departamentinə — Smeta şöbəsinə Smetaçı-mühəndis vakansiyası üzrə namizəd axtarılır. Bu vəzifə tikinti layihələri üzrə smeta sənədlərinin hazırlanması, yoxlanılması və maliyyə hesablamalarının sistemləşdirilməsi ilə bağlıdır.
Vəzifə öhdəlikləri
- Layihə sənədlərinə uyğun olaraq ümumi tikinti işləri üzrə ilkin və tam inşaat smetası sənədlərinin vaxtında tərtib edilməsi və təhvil verilməsi
- Əsaslı tikinti-quraşdırma və təmir işləri üçün hazırlanmış sənəd və cədvəllərin analizi
- Büdcə risklərinin müəyyənləşdirilməsi və bu əsasda tikinti işlərinin smeta dəyərinin hesablanması
- Layihə, spesifikasiya və smeta arasındakı uyğunsuzluqların aşkar edilməsi
- Dəyişikliklər olduğu hallarda smeta sənədlərinə düzəlişlərin aparılması
- Digər təşkilatlar tərəfindən hazırlanmış smeta sənədlərinin yoxlanılması və müvafiq arayışların tərtib edilməsi
- Tikinti-quraşdırma, təmir və digər işlər üzrə qiymətləndirmə prosesində iştirak
- Yenidən qurulan və ya təmir olunan obyektlər üçün titul vərəqələrinin hazırlanmasında iştirak
- Podratçı təşkilatlarla smeta sənədlərinin razılaşdırılması, normativlərə uyğunluğun izlənilməsi və görülmüş işlər üzrə aktların tərtib edilməsi
- Tikinti-quraşdırma və təmir işlərinin dəyərinin optimallaşdırılmasına yönelik tədbirlərin həyata keçirilməsi
- Smeta sənədlərinin uçotunun aparılması və smeta-maliyyə hesablamalarının sistemləşdirilməsi
- Smeta qiymətləri barədə arayışların hazırlanması
- Tikinti layihələri üzrə yerinə yetirilmiş, mövcud və yarımçıq iş həcmləri ilə materialların hesablanması, cədvəllərin tərtib edilməsi
- Obyektlərdə ölçü işlərinin aparılması
- Smetaların bazar qiymətləri əsasında hesablanması
- Texniki hesabatların hazırlanması (Forma 2, Forma 3, xərc analizi)
- Sahələrdən daxil olan texniki hesabatların yoxlanılması
Namizədə tələblər
- Ali təhsil — mühəndislik ixtisası, inşaat mühəndisliyi üzrə olması arzu olunur
- Müvafiq sahədə minimum 3 il iş təcrübəsi
- Kişi namizədlərə üstünlük veriləcəkdir
- Rus dili biliyi üstünlük hesab olunur
- Layihə-smeta işlərinin hazırlanmasına dair normativ-hüquqi sənədlər üzrə bilik
- Eskiz və ya layihə əsasında iş həcmlərinin çıxarılması, BoQ-un tərtibi və qiymətləndirilməsi bacarığı
- Titul vərəqələrinin hazırlanması, nasazlıqlar cədvəlinin tərtibi və digər texniki sənədləşmə qaydaları üzrə bilik
- İqtisadiyyatın əsasları, istehsalat, əmək və idarəetmənin təşkili sahəsində bilik
- Azərbaycan dili — əla səviyyədə; ingilis və rus dilləri arzu olunur
- MS Office (Excel, Word, Outlook), 1C, AutoCAD proqramlarında işləmə bacarığı
- Analitik düşüncə tərzi, dəqiqlik və operativlik
İş şəraiti
- Azərbaycan Respublikasının Əmək Məcəlləsinə uyğun rəsmi müqavilə
- 5 günlük iş qrafiki
- Koroğlu metro stansiyasından servis xidməti
- Nahar şirkət tərəfindən təmin edilir
Vakansiya aktiv deyil, son elanlara aşağıdan keçid edin
