Elektrik mühəndisi

Bakıda elektrik mühəndisi vakansiyası üzrə namizəd axtarılır. Elektrik layihələndirməsi, AutoCAD və layihə nəzarəti sahəsində təcrübəsi olan şəxslər müraciət edə bilər.

Əsas vəzifələr

• Elektrik işləri üzrə layihələrin hazırlanması prosesində iştirak etmək;
• Sənaye təyinatlı və digər bina, obyektlərdə elektrik işlərinin layihələndirilməsini və təkmilləşdirmə işlərini həyata keçirmək;
• Sənaye bina və tikililəri üçün daxili və xarici işıqlandırma sistemlərini, həmçinin aşağı gərginlikli elektrik təchizatı şəbəkələrini layihələndirmək;
• İstehsal, tikinti və quraşdırma standartlarına, spesifikasiyalara uyğun layihələrin hazırlanması üçün texniki hesablamalar aparmaq;
• Yekun quraşdırma işlərinin layihəyə və avadanlığın texniki xüsusiyyətlərinə uyğunluğunu izləmək;
• Layihələndirmə tapşırıqlarının icrası üçün kompüter vasitəsilə mühəndis və layihələndirmə proqram paketlərindən istifadə etmək;
• Layihə təşkilatlarına təqdim edilən tapşırıqların və sifarişlərin hazırlanması prosesində iştirak etmək;
• Müxtəlif təyinatlı tikinti və təmir işləri üzrə elektrik çertyojlarını AutoCAD proqramında çəkmək;
• Obyektlərin layihələndirilməsi üçün ilkin məlumatları toplamaq, layihələndirmə tapşırıqları hazırlamaq və onları layihə təşkilatlarına göndərmək;
• Layihə sənədləri üzrə podratçı təşkilatlardan rəylərin alınmasını təmin etmək, ekspertiza və podratçı iradları üzrə işlərin sona qədər işlənməsinə nəzarət etmək və təsdiqləmək;
• İdarənin öz tikintiləri üçün podratçı təşkilatları layihə sənədləri ilə təmin etmək;
• Təsdiqlənmiş layihə-smeta sənədlərinə əsasən sahədə işlərin gedişinə mütəmadi nəzarət etmək;
• Faktiki işlərin gedişinə uyğun olaraq layihə-smeta sənədlərinə vaxtında düzəlişlər etmək və aidiyyəti şöbələri məlumatlandırmaq;
• Layihə üzrə qeyd edilən iş həcmlərinin yoxlanılması və düzgünlüyü barədə lazımi sənədləri hazırlamaq;
• Layihələrin icrası zamanı qüvvədə olan SniP, norma, qayda, standart və digər texniki-normativ sənədlərin tələblərinə riayət etmək;
• Layihələrin təqvim planlamasını həyata keçirmək və layihə üçün vaxt planını müəyyənləşdirmək;
• Layihələri FHN ekspertiza idarəsinin tələblərinə uyğun hazırlamaq, ekspertiza idarəsinə təhvil vermək və layihəni müdafiə etmək;
• Ümumi layihələrə aid sənədləri aylıq qaydada, hər ayın əvvəlində tərtib etmək (Forma 2, Smeta və s.);
• Layihələrin müvafiq dövlət orqanları ilə razılaşdırılmasında iştirak etmək.

Namizədə tələblər

• Elektrik mühəndisliyi və ya aidiyyəti sahə üzrə ali təhsil;
• Müvafiq sahədə minimum 3 il iş təcrübəsi;
• AutoCAD proqramını əla bilməsi;
• MS Office və xüsusi proqram təminatlarında sərbəst işləmək bacarığı;
• 3D MAX, VRAY, REVİT biliyi arzu olunandır;
• Azərbaycan dilini yüksək səviyyədə bilmək;
• İngilis və rus dilləri arzu olunandır;
• Layihəyə nəzarət bacarığı;
• Komandada işləmək bacarığı;
• Diqqətli və dəqiq olmaq;
• İşgüzar və məsuliyyətli olmaq.

İş şəraiti

• İş rejimi: 6 günlük, 09:00-17:00, şənbə qısa iş günü;
• İş yeri: Bakı şəhəri, Xətai rayonu, İzzət Orucova 2;
• Əmək haqqı namizədin bilik və bacarığına əsasən müəyyən olunacaq;
• Sənədləşmə Azərbaycan Respublikası ƏM-nin qanunvericiliyinə əsasən aparılacaq.

Müraciət qaydası

CV-lərinizi Müraciət et düyməsində qeyd olunan elektron poçt ünvanına göndərin və mövzu hissəsində “Elektrik mühəndisi” yazın.

Yalnız tələblərə uyğun olan namizədlərlə əlaqə saxlanılacaq.