Daxili nəzarət üzrə mütəxəssis

Vəzifə öhdəlikləri

• Satınalma sifarişlərinin (PO) müqavilələrə, təsdiqlənmiş büdcələrə və satınalma prosedurlarına uyğunluğunun yoxlanılması.
• Tender proseslərinin şirkətin daxili qaydalarına uyğun həyata keçirilməsinə nəzarət edilməsi; tender qərarları, qiymətləndirmə protokolları və təsdiqedici sənədlərin mövcudluğunun yoxlanılması.
• Satınalma qiymətlərinin müqavilə şərtləri, bazar qiymətləri və təsdiqlənmiş təkliflərlə müqayisəli təhlilinin aparılması.
• Əmək haqqı hesablamalarının yoxlanılması, əmək haqqı reyestrlərinin bank çıxarışları və mühasibat məlumatları ilə uzlaşdırılması.
• 1C proqramı vasitəsilə kontragent hərəkətlərinin, qarşılıqlı hesablaşmaların və qalıqların yoxlanılması; material alışları, anbar hərəkətləri və əlaqəli hesabatların təhlili.
• Maliyyə hesabatlarının 1C proqramındakı məlumatlarla uyğunluğunun müqayisəli yoxlanılması.
• Rəhbərlik tərəfindən verilən operativ və təcili tapşırıqlar üzrə yoxlamaların aparılması, nəticələrin hesabatlaşdırılması.
• Aşkarlanmış uyğunsuzluqların sənədləşdirilməsi, səbəblərinin araşdırılması və düzəldici tədbirlər barədə təkliflərin hazırlanması.
• Daxili nəzarət yoxlamalarının nəticələri əsasında mütəmadi hesabatların hazırlanması və rəhbərliyə təqdim edilməsi.

Tələblər

• Maliyyə, mühasibat uçotu, audit, iqtisadiyyat və ya əlaqəli sahələrdə ali təhsil.
• Daxili nəzarət, audit və ya maliyyə sahəsində ən azı 2 il iş təcrübəsi.
• Satınalma, tender və müqavilə prosesləri üzrə bilik.
• Əmək haqqı hesablamaları və maliyyə sənədləri ilə işləmək bacarığı.
• 1C proqramında sərbəst işləmək bacarığı.
• MS Excel-i qabaqcıl səviyyədə bilmək: Pivot Table, VLOOKUP/XLOOKUP, SUMIFS və digər funksiyalar.
• Analitik düşüncə tərzi, diqqətlilik və yüksək məsuliyyət hissi.
• Hesabat hazırlamaq və məlumatları strukturlu şəkildə təhlil etmək bacarığı.
• Komanda ilə səmərəli işləmə və ünsiyyət qurma bacarıqları.

Üstünlük verilən meyarlar

• Tikinti, daşınmaz əmlak və ya layihə yönümlü şirkətlərdə əldə edilmiş iş təcrübəsi.
• Daxili audit, risklərin idarə edilməsi və ya daxili nəzarət sahəsində əlavə təlim və ya sertifikat.
• ERP sistemləri və maliyyə hesabatlılığı üzrə praktiki biliklər.

Şəxsi keyfiyyətlər

• Yüksək etik davranış standartlarına və məxfilik prinsiplərinə riayət etmə.
• Detallara həssaslıq və dəqiqlik.
• Problem həll etmə və faktlara əsaslanan araşdırma bacarığı.
• Vaxtın düzgün planlaşdırılması və nəticəyönümlü yanaşma.

İş şəraiti

• İş rejimi: həftə içi 5 gün, saat 09:30–18:30.
• Nahar şirkət tərəfindən qarşılanır.
• İş yeri: Çıraq Plaza, Tbilisi prospekti 49C, Bakı.
• Əmək haqqı namizədin bilik və təcrübəsinə uyğun müəyyən edilir.

Müraciət qaydası

Maraqlanan namizədlər CV-lərini “Daxili nəzarət üzrə mütəxəssis” mövzu başlığı ilə elanda göstərilən elektron poçt ünvanına göndərə bilərlər.