Bakı Metropolitenində Elektrik qaz qaynaqçısı vakansiyası üzrə peşəkar mütəxəssis axtarılır. Bu işdə qaynaq işlərini normativ tələblərə uyğun icra etmək və avadanlıqların təhlükəsiz istismarını təmin etmək əsasdır.
Vəzifə öhdəlikləri
- Elektrik və qaz qaynaq işlərini, o cümlədən metal konstruksiyaların, hissələrin və birləşmələrin qaynağını texnoloji xəritə, çertyoj və normativlərə uyğun şəkildə, dəqiq və keyfiyyətli yerinə yetirmək;
- Qaynaq aparatlarını və digər avadanlıqları işə hazırlamaq, sazlama aparmaq, elektrod və materialları düzgün seçmək, onların texniki baxımdan saz qalmasını təmin etmək;
- Qaynaq olunan birləşmələrin keyfiyyətinə nəzarət etmək, tikişlərin möhkəmliyini və normativ uyğunluğunu yoxlamaq;
- İstehsalat təhlükəsizliyi və əməyin mühafizəsi qaydalarına ciddi əməl etmək, qaz balonları və elektrik avadanlıqları ilə təhlükəsiz işləmək;
- İş prosesində aşkar edilən texniki uyğunsuzluqlar, avadanlıq nasazlıqları və material çatışmazlıqları barədə vaxtında aidiyyəti şəxsləri məlumatlandırmaq;
- Təsdiq olunmuş vəzifə təlimatına, daxili nizam-intizam qaydalarına və normativ tələblərə uyğun olaraq gündəlik iş fəaliyyətini yerinə yetirmək.
Namizədə tələblər
- 25–45 yaş aralığında olmaq;
- Müvafiq sahə üzrə peşə təhsili və ya elektrik-qaz qaynaqçısı ixtisası üzrə sertifikatın olması;
- Elektrik-qaz qaynaqçısı peşəsi üzrə ən azı 3 il iş təcrübəsi;
- Fərqli metal konstruksiyaların qaynağı üzrə praktik bacarıq və çertyoj oxumaq qabiliyyəti;
- Texnoloji ardıcıllığa, istehsalat intizamına və təhlükəsizlik qaydalarına ciddi riayət etmək;
- Gərgin iş şəraitində diqqətli, məsuliyyətli çalışmaq, operativ qərar vermək və komanda ilə işləmək bacarığı.
Metropolitenin təklifləri
- Sabit və etibarlı iş mühiti;
- Peşəkar komandada inkişaf və karyera imkanları;
- Metropolitendən ödənişsiz istifadə imkanı;
- Güzəştli nahar təminatı;
- Bilgəh Sağlamlıq Mərkəzi və əməkdaşlıq etdiyimiz sanatoriyalarda güzəştli istirahət imkanı;
- Psixoloji dəstək xidməti.
Müraciət qaydası
Vakansiyaya müraciət etmək üçün Metropolitenin hr.metro.gov.az portalında qeydiyyatdan keçin və müvafiq vakansiya linki ilə https://hr.metro.gov.az/vacancy/5509 üzərindən müraciətinizi tamamlayın.
Uğurlar!
