Su təchizatı və kanalizasiya sistemləri üzrə usta

Bakıda su təchizatı və kanalizasiya sistemləri üzrə usta axtarılır. Usta sənaye, ictimai və yaşayış obyektlərində montaj, təmir və sazlama işləri aparacaq.

Vəzifə öhdəlikləri

• Cəmiyyətin sənaye, ictimai və yaşayış obyektlərində su təchizatı, kanalizasiya və qazanxana sistemlərinin quraşdırılması, təmiri, sazlanması və profilaktik işlərini yerinə yetirmək;
• Su təchizatı, kanalizasiya və nasos sistemlərinin sxemləri və texniki çəkilişləri əsasında avadanlıqların quraşdırılması, sazlanması, montajı və cari təmirini icra etmək;
• Quraşdırılmış sistemlərin hidravlik və funksional sınaqlarında iştirak etmək, nasazlıqları müəyyənləşdirmək və aradan qaldırmaq;
• Gündəlik işlərdə istifadə olunan material və alətlərin səliqəli istifadəsini, eləcə də uçotunu təmin etmək;
• İş prosesində əmək mühafizəsi, texniki təhlükəsizlik və yanğın təhlükəsizliyi qaydalarına ciddi əməl etmək;
• Şöbə və briqada daxilində iş bölgüsünə riayət etmək, işçilərə praktiki dəstək göstərərək peşə bacarıqlarının inkişafına kömək etmək;
• Görülən işlər barədə birbaşa rəhbərə məlumat vermək və hesabatların hazırlanmasına dəstək göstərmək;
• Elektrik, mexanika və digər mühəndis bölmələri ilə əlaqəli və koordinasiyalı şəkildə işlərin icrasını təmin etmək.

Namizədə tələblər

• Müvafiq ixtisas üzrə minimum 1-2 il iş təcrübəsi, tikinti layihələrində təcrübə üstünlükdür;
• Müvafiq sahə üzrə peşə təhsili üstünlük hesab olunur;
• Müvafiq ixtisas sənədi və ya sertifikatın olması;
• Su, kanalizasiya və istilik sistemlərinin quraşdırılması və təmiri bacarığı;
• Məsuliyyətli və intizamlı iş yanaşması;
• Komandada işləmək və funksional tabelik prinsiplərinə uyğun fəaliyyət göstərmək bacarığı.

İş şəraiti

• İş yeri: Zığ qəs.;
• İş qrafiki: 6 günlük iş həftəsi;
• Əmək haqqı: 1000-1200 AZN, namizədin bilik, bacarıq və təcrübəsinə əsasən müəyyən ediləcək.

Müraciət qaydası

Maraqlanan namizədlər CV-lərini mövzu hissəsində “Su təchizatı və kanalizasiya sistemləri üzrə usta” qeyd etməklə Müraciət et düyməsində göstərilən elektron poçt ünvanına göndərə bilərlər. Yalnız tələblərə uyğun namizədlərlə əlaqə saxlanılacaq.