Əmək münasibətləri üzrə böyük mütəxəssis

Azərbaycanda əmək münasibətləri üzrə böyük mütəxəssis vakansiyası HR, əmək qanunvericiliyi və işçi münasibətləri sahəsində təcrübəsi olan namizədlər üçün nəzərdə tutulub.

Əmək münasibətləri üzrə böyük mütəxəssis vəzifəsinin öhdəlikləri

• Şirkət daxilində əmək münasibətləri və iş yerində davranışla bağlı halların araşdırılması, qiymətləndirilməsi və qanunvericiliyə uyğun həll edilməsini təmin etmək;
• Əmək qanunvericiliyi, daxili qaydalar və prosedurların düzgün tətbiqinə nəzarət etmək, uyğunluğun təmin olunması üçün zəruri tədbirləri həyata keçirmək;
• İşçilərin müraciət və şikayətlərinin araşdırılması prosesini koordinasiya etmək, effektiv ünsiyyətin və konstruktiv həll yollarının formalaşdırılmasını təmin etmək;
• Əmək münasibətləri və intizam məsələləri üzrə yaranan problemlərin əsas səbəblərini təhlil etmək, risklərin azaldılması və qabaqlayıcı tədbirlərin görülməsi üçün təşəbbüslər irəli sürmək;
• Əmək münasibətləri ilə əlaqədar sənədlərin, qərarların və rəsmi yazışmaların hazırlanmasına və düzgün idarə olunmasına nəzarət etmək;
• Əmək müqaviləsinə xitam verilməsi, intizam araşdırmaları və digər əmək münasibətləri proseslərinin qanunvericilik tələblərinə uyğun aparılmasını təmin etmək;
• Dövlət qurumları və digər aidiyyəti tərəflərlə əmək münasibətləri üzrə qarşılıqlı əməkdaşlığı idarə etmək;
• Əmək münasibətləri sahəsində hesabatlar, təhlillər və təqdimatlar hazırlamaq, rəhbərliyə əsaslandırılmış təkliflər təqdim etmək;
• Şirkətdaxili siyasətlərin, prosedurların və əmək münasibətləri proseslərinin inkişaf etdirilməsi üçün təkliflər vermək və onların tətbiqində iştirak etmək;
• Əmək münasibətləri üzrə fəaliyyətin səmərəli, keyfiyyətli və müəyyən olunmuş hədəflərə uyğun icrasını təmin etmək.

HR və əmək münasibətləri vakansiyası üzrə tələblər

• İnsan Resurslarının İdarə Edilməsi, Hüquq, Biznesin İdarə Edilməsi və ya digər uyğun istiqamət üzrə ali təhsil;
• Əmək münasibətləri, HR əməliyyatları və ya İnsan Resurslarının əlaqəli sahələrində ən azı 3 il iş təcrübəsi;
• Azərbaycan Respublikasının Əmək Məcəlləsi və əmək münasibətlərini tənzimləyən normativ-hüquqi aktlar üzrə yüksək bilik səviyyəsi;
• Əmək münasibətləri üzrə sənədlərin, əmrlərin və rəsmi yazışmaların hazırlanması və idarə edilməsi sahəsində təcrübə;
• Azərbaycan dilində yüksək səviyyədə yazılı və şifahi ünsiyyət bacarığı, həmçinin peşəkar sənədləşmə vərdişləri;
• MS Office proqramları ilə, xüsusilə Excel və PowerPoint üzrə yaxşı işləmə bacarığı;
• Məlumatları təhlil etmək, hesabatlar hazırlamaq və əldə olunan nəticələr əsasında təkliflər formalaşdırmaq bacarığı;
• Komanda fəaliyyətini koordinasiya etmək, iş bölgüsünü təşkil etmək və əməkdaşların inkişafına dəstək vermək bacarığı;
• Güclü analitik düşüncə, problem həll etmə və qərar qəbul etmə bacarıqları;
• Yüksək məsuliyyətlilik, obyektivlik, məxfilik prinsiplərinə riayət etmək və dinamik iş mühitində effektiv işləmək bacarığı;
• Müxtəlif səviyyələrdə çalışan əməkdaşlar, rəhbərlər və dövlət qurumlarının nümayəndələri ilə peşəkar əməkdaşlıq və effektiv ünsiyyət qurmaq bacarığı.

Əmək münasibətləri üzrə böyük mütəxəssis vakansiyasına müraciət

Maraqlanan namizədlər “Müraciət et” düyməsində göstərilən email ünvanına mövzu hissəsində “Əmək münasibətləri üzrə böyük mütəxəssis” qeyd etməklə müraciət edə bilərlər.

Nəzərə alın ki, işə qəbul prosesinin növbəti mərhələsi ilə bağlı yalnız seçilmiş namizədlərlə əlaqə saxlanılacaq.