Bakıda HR mütəxəssis vakansiyası açıqdır. Kadr uçotu, əmək müqavilələri və HR sənədləşməsi üzrə təcrübəsi olan namizədlər müraciət edə bilərlər.
İş şəraiti
- İş yeri: Bakı şəhəri
- İş qrafiki: 5 günlük iş həftəsi, tam iş günü
- Əmək haqqı: Namizədin təcrübə və bacarıqlarına uyğun müəyyən olunur
Əsas vəzifə öhdəlikləri
- İşə qəbul, işdən azad olunma, vəzifə və struktur dəyişiklikləri, əmək haqqı şərtlərinə düzəliş, ezamiyyət, məzuniyyət, intizam tədbirləri və digər kadr əməliyyatları üzrə sənədlərin hazırlanması və rəsmiləşdirilməsi;
- Əmək müqavilələrinin, əlavələrin və dəyişikliklərin tərtibi və qeydiyyatı;
- İşçilərin şəxsi işlərinin formalaşdırılması, yenilənməsi və arxivə təhvil verilməsi;
- Ərizə, təqdimat, əmr, akt, arayış, razılıq və digər aidiyyəti sənədlərin hazırlanması;
- Məzuniyyət cədvəllərinin hazırlanması, qalıqların izlənilməsi və uçotun aparılması;
- İşçilərə dair məlumat bazasının mütəmadi yenilənməsi;
- Məxfilik qaydalarına və şəxsi məlumatların qorunması tələblərinə ciddi əməl olunması;
- EMAS sistemində əmək müqavilələri və kadr əməliyyatlarının düzgün qeydiyyatının aparılması;
- İSB və 1C proqramlarında HR və kadr məlumatlarının daxil edilməsi, yoxlanılması və uyğunluğunun təmin edilməsi;
- Sistemlərdəki uyğunsuzluqların vaxtında aşkarlanması və aradan qaldırılması üçün tədbirlərin görülməsi;
- Audit və daxili yoxlamalar üçün tələb olunan məlumatların hazırlanması;
- Yeni əməkdaşlar üçün onboarding prosesinin təşkili və koordinasiyası;
- İlk iş günü, ilk həftə və ilk ay üzrə adaptasiya prosesinin izlənilməsi;
- Sınaq müddəti ərzində əməkdaşlarla mütəmadi əlaqənin saxlanılması və geri bildirimlərin toplanması;
- Sınaq müddəti qiymətləndirmələrinin toplanması və nəticələrin sənədləşdirilməsi;
- İşdən ayrılma prosesinin qanunvericiliyə və daxili prosedurlara uyğun idarə olunması;
- Təhvil-təslim prosesinin koordinasiyası;
- Çıxış müsahibələrinin keçirilməsi və nəticələrin təhlili;
- Konfliktli və riskli ayrılma hallarının düzgün kommunikasiya və sənəd intizamı ilə idarə olunması;
- Motivasiya və tanınma proqramlarının təşkilində iştirak;
- Daxili tədbirlərin, mükafatlandırma mexanizmlərinin və HR kampaniyalarının icrasına dəstək;
- Komanda mühitinin yaxşılaşdırılması, əməkdaş bağlılığının artırılması və daxili kommunikasiya layihələrində iştirak;
- Təlim ehtiyaclarının toplanması və təlim planlarının hazırlanmasına dəstək;
- Daxili təlimlərin təşkili, iştirakçı qeydiyyatı və nəticələrin izlənilməsi;
- Yeni əməkdaşlar üçün şirkət qaydaları, etik davranış prinsipləri və daxili prosedurlar üzrə məlumatlandırma sessiyalarının təşkili;
- İşə qəbul, işdən çıxma, kadr dövriyyəsi, məzuniyyət statusu, adaptasiya nəticələri və digər HR göstəriciləri üzrə hesabatların hazırlanması;
- Excel proqramında məlumatların işlənməsi, cədvəllərin hazırlanması və analizlərin aparılması;
- Rəhbərlik üçün aylıq və rüblük HR xülasələrinin hazırlanması.
Namizədə tələblər
- HR sahəsində 3-5 il iş təcrübəsi;
- Kadr uçotu və sənədləşmə üzrə praktiki təcrübə mütləqdir;
- Azərbaycan Respublikasının əmək qanunvericiliyi üzrə yaxşı bilik və praktiki tətbiq bacarığı;
- EMAS, İSB və 1C proqramlarında işləmək bacarığı;
- Microsoft Excel proqramı üzrə yaxşı biliklər;
- Azərbaycan dilində səlis yazılı və şifahi ünsiyyət bacarığı;
- Güclü ünsiyyət və komandada işləmək bacarığı;
- Konfliktlərin idarə olunması və mediativ yanaşma bacarığı;
- Dəqiqlik, məsuliyyətlilik, məxfilik prinsiplərinə riayət və yüksək sənəd intizamı;
- Tapşırıqları vaxtında və keyfiyyətlə icra etmək bacarığı.
Əgər siz dinamik iş mühitində işləməyi üstün tutan, təşkilatçılıq bacarığı güclü, məsuliyyətli, diqqətli və geniş HR proseslərini idarə etməyə hazır bir namizədsinizsə, CV-nizi “HR mütəxəssis” başlığı ilə Müraciət et düyməsində qeyd olunan elektron poçt ünvanına göndərə bilərsiniz.
