Hüquqi dəstək, müqavilələr və normativ sənədlərlə iş təcrübəsi olan namizədlər üçün tam ştat iş imkanı.
Vəzifə öhdəlikləri
- Şirkətin fəaliyyəti zamanı yaranan telekommunikasiya, mülki, maliyyə, vergi, audit, gömrük, sığorta, əmək, satınalma, inzibati və təhlükəsizlik məsələləri üzrə, eləcə də rəhbərliyin tapşırığı ilə digər hüquqi mövzularda dəstək göstərmək, yazılı və şifahi məsləhətlər vermək, sorğuları cavablandırmaq, arayış və rəylər hazırlamaq
- Daxili əmr, təlimat, qayda, prosedur və prosesləri hazırlamaq, onlara rəy bildirmək və ya bu sənədlərin təkmilləşdirilməsi üçün təkliflər vermək
- Qüvvədə olan qanunvericiliyin tələblərinə uyğun şəkildə bütün növ müqavilələri və əlavələrini tərtib etmək, həmin sənədləri hüquqşünas kimi yoxlayıb rəy vermək
- Səlahiyyətinə aid sahələr üzrə dövlət, məhkəmə və icra orqanlarında, həmçinin üçüncü şəxslər qarşısında şirkəti təmsil etmək və şirkətin maraqlarının müdafiəsi üçün lazım olan sənədləri hazırlamaq
- Hüquqi rəy tələb olunan daxili normativ sənəd layihələrini qiymətləndirmək
- İcrası planlaşdırılan kommersiya layihələrinin hüquqi ekspertizasını aparmaq
- İdarəetmə orqanlarının qərarlarının icrasına nəzarət etmək
- Cəmiyyətin təsis sənədlərinə edilən dəyişikliklərin dövlət qeydiyyatı üçün zəruri sənədləşməni təşkil etmək
- Əqli mülkiyyət hüquqlarının qorunmasına dəstək göstərmək, əmtəə nişanları və patent hüquqlarının əldə olunması ilə bağlı hüquqi yardım vermək
- Müraciət və sorğuların qanunvericiliyə uyğun araşdırılmasına hüquqi dəstək göstərmək, hüquqi əhəmiyyət daşıyan yazışmaları aparmaq
- Öhdəsinə düşən sahələr üzrə müvafiq hesabatları hazırlamaq
Namizədə tələblər
- Ali təhsil, hüquq fakültəsi üzrə məzun olmaq
- Korporativ və ya kommersiya hüququ sahəsində azı 1-3 il iş təcrübəsi
- Telekommunikasiya və müqavilə hüququ, eləcə də normativ-hüquqi aktlar və onların tətbiqi qaydaları ilə iş təcrübəsi üstünlükdür
- Azərbaycan dilində yazılı və şifahi ünsiyyət bacarığının yüksək olması
- İngilis və rus dillərində yazılı və şifahi ünsiyyət bacarığı üstünlükdür
- Hüquqi nitq və yazışma bacarığı
- MS Office proqramlarından sərbəst istifadə etmək bacarığı
- Güclü ünsiyyət, komandada işləmək və analitik təhlil bacarıqları
- İşgüzar, təşəbbüskar və məsuliyyətli olmaq
İş şərtləri
Vakansiya növü: tam ştat.
Müraciət qaydası
Maraqlanan namizədlər Müraciət et düyməsində göstərilən link vasitəsilə müraciət edə bilərlər.
