Hüquqşünas

“Nardaran Invest” MMC Bakı üzrə Hüquqşünas vakansiyası üzrə müraciətlər qəbul edir.

Vəzifə öhdəlikləri

• Hüquqi sənədlərin və müqavilələrin hazırlanması, hüquqi ekspertizası və icrasına nəzarət etmək;
• Hüquqi rəylər hazırlamaq və rəhbərliyə təqdim etmək;
• Şirkətin struktur bölmələrinə hüquqi məsələlər üzrə nəzarət və zəruri hüquqi dəstək göstərmək, xüsusilə əmək qanunvericiliyinin tətbiqi, əmək və icra intizamı, eləcə də işçilərin intizam və maddi məsuliyyətə cəlb olunması məsələlərində İnsan Resursları Departamentinə hüquqi yardım göstərmək;
• Mübahisəli hüquqi məsələlər üzrə rəylər hazırlamaq, dövlət və hüquq-mühafizə orqanlarına, publik hüquqi şəxslərə ünvanlanan sorğu, ərizə və məktubların hazırlanmasında iştirak etmək;
• Şirkətin hüquq və mənafelərinin müdafiəsi üçün pretenziya, mediasiya və məhkəmə sənədlərini, o cümlədən iddia, apellyasiya və kassasiya şikayətləri, etirazlar, vəsatətlər və digər prosessual sənədləri hazırlamaq, məhkəmə perspektivi barədə hüquqi rəy vermək;
• Məhkəmə qərarlarının icrasını izləmək, icra işlərində Şirkətin maraqlarının qorunması üçün lazımi hüquqi tədbirlər görmək və məhkəmələrdə, dövlət orqanlarında, icra və probasiya şöbələrində Şirkəti təmsil etmək;
• Məhkəmə işlərinin nəticələrini ümumiləşdirmək və təhlil etmək, yekun qərar çıxarılmış işlərə aid sənədlərin arxivləşdirilməsini təşkil etmək;
• Daxili prosedur və qaydaları hazırlamaq, təkmilləşdirmək və hüquqi uyğunluğunu yoxlamaq;
• Şirkətin fəaliyyəti ilə bağlı hüquqi riskləri əvvəlcədən müəyyənləşdirmək və onların azaldılması üçün təkliflər vermək;
• Şirkət əməkdaşlarına hüquqi məsələlər üzrə əsaslandırılmış yazılı və şifahi məsləhətlər vermək;
• Dövlət qurumları ilə hüquqi yazışmalar aparmaq;
• Korporativ sənədləri hazırlamaq və hüquqi baxımdan yoxlamaq;
• Yeni qanunvericilik layihələrini mütəmadi izləmək, normativ hüquqi aktlara edilmiş əlavələri, dəyişiklikləri və ya onların ləğvi ilə bağlı prosesi təqib etmək.

Namizədə tələblər

• Ali hüquq təhsili;
• Müvafiq sahədə ən azı 1 il iş təcrübəsi;
• Azərbaycan Respublikasının Vəkillər Kollegiyasının üzvü olması arzuolunandır;
• Azərbaycan və ingilis dillərində səlis danışıq və yazı bacarığı, analitik düşünmə, problem həll etmə, hüquqi nitq və yazışma qabiliyyəti;
• İşin planlaşdırılması və təşkil edilməsi bacarığı;
• Detallara diqqət, davamlı öyrənməyə və inkişaf etməyə meyillilik;
• Azərbaycan Respublikasının Konstitusiyası, Mülki Məcəllə, Əmək Məcəlləsi, Torpaq Məcəlləsi, Mənzil Məcəlləsi, Vergi Məcəlləsi, Mülki Prosessual Məcəllə, İnzibati Prosessual Məcəllə, İnzibati Xətalar Məcəlləsi və digər aidiyyəti normativ aktlar üzrə biliklər;
• MS Office proqramları, hüquqi axtarış sistemləri, “Elektron məhkəmə” informasiya sistemi, Dövlət Vergi Xidmətinin Online Kargüzarlıq Sistemi və digər elektron sistemlər üzrə biliklər;
• Rus dili biliyi üstünlükdür.

Əlavə məlumat

• İş yeri: Bakı;
• İş qrafiki: 5/2;
• Nəqliyyat və yemək Şirkət tərəfindən təmin olunur;
• Əmək haqqı müsahibə əsasında müəyyən olunacaq.

Müraciət qaydası

Maraqlanan namizədlərdən xahiş olunur ki, CV-lərini mövzu hissəsində “Hüquqşünas” qeyd etməklə Müraciət et düyməsində göstərilən elektron poçt ünvanına göndərsinlər.